| e-texts navigator |
| Wylie |
315a1 ན།། རང་བྱུང་ཡེ་ཤེས་རྫུན་པར་འགྱུར།། བསྒོམས་པས་ཆོས་ཀྱི་སྐུ་མི་མཐོང་།། བསྒོམས་པས་ཆོས་ཀྱི་སྐུ་མཐོང་ན།། རང་སྣང་ཆོས་ཉིད་རྫུན་པར་འགྱུར།། བལྟས་པས་རིག་པའི་དོན་མི་རྟོག། བལྟས
315a2 པས་རིག་པའི་དོན་རྟོགས་ན།། ཆོས་སྐུ་འགག་མེད་རྫུན་པར་འགྱུར།། ཆོས་ཀྱིས་མ་རིག་རྩད་མི་ཆོད།། ཆོས་ཀྱིས་མ་རིག་རྩད་ཆོད་ན།། ཀ་དག་ཡེ་ཤེས་རྫུན་པར་འགྱུར།། དགེ་བས་སངས་རྒྱས་དོན་མི
315a3 རྟོགས།། དགེ་བས་སངས་རྒྱས་དོན་རྟོགས་ན།། རྫོགས་ཆེན་གནས་ལུགས་རྫུན་པར་འགྱུར།། སྡིག་པས་འཁོར་བར་ལྟུང་མི་འགྱུར།། སྡིག་པས་འཁོར་བར་ལྟུང་འགྱུར་ན།། སྐད་ཅིག་རྣམ་གསུམ་རྫུན་པར
315a4 འགྱུར།། སྟོང་པས་ཡང་དག་དོན་མི་མཐོང་།། སྟོང་པས་ཡང་དག་དོན་མཐོང་ན།། ཡེ་ཤེས་འོད་ལྔ་རྫུན་པར་འགྱུར།། མཚན་མས་རང་གི་དོན་མི་མཐོང་།། མཚན་མས་རང་གི་དོན་མཐོང་ན།། རང་སངས་ཆོས་ཉིད
315a5 རྫུན་པར་འགྱུར།། བྱས་པས་ལྷུན་རྫོགས་དོན་མི་རྙེད།། བྱས་པས་ལྷུན་རྫོགས་དོན་རྙེད་ན།། ངོ་བོ་འགྱུར་མེད་རྫུན་པར་འགྱུར།། བཟུང་བས་སྣང་བ་མཐོང་མི་འགྱུར།། བཟུང་བས་སྣང་བ་མཐོང་འགྱུར་ན།། རང
315a6 བཞིན་འགག་མེད་རྫུན་པར་འགྱུར།། སྤྱད་པས་ཕ་རོལ་སྒྲོལ་མི་ནུས།། སྤྱད་པས་ཕ་རོལ་སྒྲོལ་ནུས་ན།། ཐུགས་རྗེ་ཀུན་ཁྱབ་རྫུན་པར་འགྱུར།། འཁྲུལ་པའི་སྣང་བས་ང་མི་བསྒྲིབ།། འཁྲུལ་པའི་སྣང་བས་ང་བསྒྲིབས
iiif viewer powered by OpenSeadragon
