| e-texts navigator |
| Wylie |
314a1 རྗེ་དམ་ཚིག་བསྲུང་དང་བྲལ།། གཅིག་པ་སེང་གེ་ཡེ་ཤེས་འབྲས་བུ་སྤང་ཐོབ་མེད།། རང་སྣང་འཛིན་བྲལ་རྡོ་རྗེའི་བལྟ་བ་ཀུན་ནས་བལྟ་དང་བྲལ།། ཕྱོགས་སུ་ཡངས་པའི་རྡོ་རྗེའི་སྤྱོད་པ་ཀུན་ནས་སྤྱད
314a2 དུ་མེད།། འབྱུང་བ་ཀུན་སྣང་རང་རིག་གསང་སྔགས་ལམ་དུ་སྣང་།། མ་གཡོས་ཕྱོགས་བྲལ་རྡོ་རྗེའི་ས་ལམ་བགྲོད་དུ་མེད།། སྟོང་པ་ཡང་དག་རྡོ་རྗེའི་སྐུ་ལ་བལྟ་དང་བྲལ།། ཆོས་ཉིད་ཡངས་པ་རྡོ་རྗེའི་དབྱིངས་ལ་སྐྱེ
314a3 འབྲི་མེད།། སྣང་བ་རང་རྫོགས་རྡོ་རྗེའི་སྐུ་ལ་ཡིན་མིན་མེད།། གསང་སྔགས་རྒྱལ་པོ་རྡོ་རྗེའི་ལུས་ལ་སྐྱེ་འཇིག་མེད།། སྣང་བ་རང་སྣང་རྡོ་རྗེའི་གནས་ལ་མཐོ་དམན་མེད།། དྲི་མ་རང་དག་རྡོ་རྗེའི་གསུང་ལ་འགྱུར་བ
314a4 མེད།། ཆོས་སྐུ་ཚིག་མེད་སྟོང་པའི་ཡུལ་ལ་བདག་འཛིན་མེད།། ཡང་དག་འཇིག་བྲལ་རྡོ་རྗེའི་ལམ་ལ་ཉེ་རིང་མེད།། འཛིན་མེད་རང་སྣང་ཆོས་སྐུ་ཉིད་ལ་བསམ་པ་མེད།། ངོ་བོ་འགྱུར་མེད་སྐུ་ལ་མུན་པ
314a5 མེད།། ལོངས་སྐུ་ཡང་དག་ཡིད་བྲལ་དང་ལ་ལྷག་གེ་བ།། དེ་ཉིད་རྟོག་མེད་སྐུ་གསུམ་གཅིག་གི་དང་།། མིང་དུ་མེད་པའི་རང་སྣང་བདེ་བའི་ཤུགས།། སྟོང་པ་ཀུན་ཁྱབ་སྣང་བ་ཟིལ་གྱིས་གནོན།། ཆོས་ཉིད་བསམ
314a6 མེད་གཡོ་བ་ངང་གིས་མེད།། དུ་མ་རྟེན་དང་བཅས་པ་ག་ལ་ཡོད།། མངོན་སུམ་མི་གནས་རང་སྣང་ཡུལ་ལ་འཛིན།། མུན་པ་མ་ཡིན་རང་བཞིན་འོད་དུ་གསལ།། གསལ་ལ་མ་འགགས་དོན་ཉིད་ཡེ་ཤེས་སྐུ།། དྲན་པ
iiif viewer powered by OpenSeadragon
