| e-texts navigator |
| Wylie |
311a1 སྣང་བས་འདི་སྐད་སྨྲས།། ཀྱེ་མ་རིགས་ཀྱི་སངས་རྒྱས་ཉོན།། རང་སྣང་ཀུན་ཏུ་བཟང་མོ་ངས།། བཏང་སྙོམས་ཆེན་པོའི་ཡེ་ཤེས་ལ།། གསང་སྔགས་ལམ་གྱི་འབྲས་བུ་གསལ།། འགྱུར་མེད་ཀུན་ཏུ
311a2 བཟང་མོ་ངས།། སྣང་བ་རང་གསལ་ཆོས་སྐུར་བསྟན།། བརྗོད་མེད་ཀུན་ཏུ་བཟང་མོ་ངས།། རྟོག་མཐའ་བྲལ་བའི་རིག་པ་བསྟན།། ཀུན་ལྡན་ཡེ་ཤེས་སྙིང་པོ་ལ།། བྱས་པ་དང་ནི་བྱེད་པ་མེད།། མངོན་སྣང་ཡུལ་དུ
311a3 མེད་པ་ལ།། གསལ་འགྲིབ་སྣང་བ་ག་ལ་ཡོད།། རིག་པ་གཅིག་ལ་འཁོར་འདས་རྫོགས།། འཛིན་མེད་རང་སྣང་ཆོས་དང་བྲལ།། བསམ་མེད་ཆོས་ཉིད་དངོས་པོར་མེད།། སངས་རྒྱས་ཡེ་ནས་རང་གདངས
311a4 ལ།། འབྱུང་བ་བཞི་ཡི་རྐྱེན་དང་བྲལ།། འདས་པའི་སྐུ་དང་ཡེ་ཤེས་ལ།། ཀུན་ཏུ་བཟང་མོ་ང་ཡི་སེམས།། ཆོས་སྐུ་རང་བཞིན་མ་འགགས་པས།། བསམ་གཏན་ཉིད་ལ་བསམ་དུ་མེད།། རང་གིས་རང་མཐོང་རང་ལུས
311a5 གསལ།། ཀུན་ཏུ་བཟང་མོའི་བྷ་གའི་ཀློང་ཡངས་སུ།། གཟུང་བ་མེད་པར་འབྱུང་བ་རྣམ་ལྔ་འུབ།། འཛིན་ཆགས་མེད་པའི་ཤེས་རབ་ཡུལ་ལ་སྣང་།། ཀུན་ཏུ་བཟང་མོ་མ་བཅོས་རང་གསལ་ངས།། སྣ་ཚོགས་འགག
311a6 མེད་ཀུན་ཏུ་བཟང་མོའི་དབྱིངས།། ཆོས་ཉིད་རང་སྣང་ཀུན་ཏུ་བཟང་མོ་སྟེ།། འགྱུར་མེད་མ་བཅོས་མཁའ་གསལ་ནམ་མཁའ་ལ།། བྱས་པ་མེད་པའི་ཀུན་ཏུ་བཟང་མོ་གསལ།། བྱུང་བ་མེད་པའི་རིག་པ་རང་སར
iiif viewer powered by OpenSeadragon
