| e-texts navigator |
| Wylie |
310b1 རིམ་སྤྱན་འདྲེན་བྱ་མི་དགོས།། རྩོལ་བའི་མཆོད་འབུལ་ལྷ་ཚོགས་གྱེས།། ཆོས་སྐུ་འཛིན་མེད་ཟང་ཐལ་ལ།། མཚན་མ་བསྒོམས་པས་དོན་མི་རྙེད།། ང་ཡི་ནོར་བུ་རིན་ཆེན་ལ།། ཡོན་ཏན་ཡོད་མེད་མཐའ་ལས
310b2 འདས།། སངས་རྒྱས་ཉག་གཅིག་ཡེ་ཡོད་ལ།། ཀ་དག་སྣང་བ་ང་མི་ཚོལ།། ཚོམ་བུ་སྣ་ལྔ་ཡི་རྫོགས་ལ།། བར་དོ་རྣམ་གསུམ་ངས་མི་འདོད།། ཡེ་ཤེས་ཡེ་ནས་རང་གསལ་ལ།། བཞི་སྦྱོར་སྣང་བ་ངས་མི་མཐོང་།། སྣ
310b3 ཚོགས་རང་ལས་ཡེ་བྱུང་ལ།། ལྷུན་གྲུབ་གཞི་ཡིས་ང་མི་རྙེད།། རིག་པ་འཁོར་བའི་སེམས་མེད་པས།། སྦྲུལ་སྐུ་ཕྱེད་སྣང་ངས་མི་འདོད།། ང་ཉིད་རིག་པར་རང་བྱུང་ལ།། བྱས་པའི་ཆོས་ཀྱིས་ང་མི་རྙེད།། ང་ཡི་བསམ
310b4 གཏན་འགྱུར་མེད་ལ།། འཛིན་རྟོག་བསྒོམ་པ་བྱ་རྒྱུ་མེད།། ང་ལ་རང་སྣང་ཡེ་རྫོགས་ལ།། ཕྱི་ཡི་སྣང་བ་གང་ལ་འབྱུང་།། རང་བྱུང་ཡེ་ནས་དག་པ་ལ།། དྲི་མ་རྣམ་བཞི་སུ་ཡིས་འཆོས།། ང་ནི་སྟོང་གསལ་གཉིས་མེད
310b5 ལ།། རྟག་ཆད་གཉིས་པོ་ག་ལ་ཡོད།། ང་ལ་རྣམ་རྟོག་ཡུལ་མེད་པས།། འབྱུང་བའི་རང་མདུད་སངས་པའོ།། ང་ཡི་སྣང་བ་མ་འགགས་པས།། ཡིན་མིན་མཐར་ལྟུང་ཕྱོགས་དང་བྲལ།། ང་ལ་ཆགས་སྡང་ལྔ་མེད
310b6 པས།། སྣང་བའི་ཡུལ་ལ་ཞེ་འདོད་མེད།། ང་ལ་དགག་བསྒྲུབ་མེད་པ་ཡིས།། ང་ཡི་བལྟ་བ་གཉིས་འཛིན་མེད།། དྲི་མ་རབ་ཏུ་སངས་པའོ།། དེ་ནས་ཀུན་ཏུ་བཟང་མོ་ཡིས།། རིག་པ་སྣང་བའི་ཡུལ་དག་ནས།། རང་གི།
iiif viewer powered by OpenSeadragon
