| e-texts navigator |
| Wylie |
309b1 ཡིན།། ཕྱི་ནང་གསལ་བའི་ཤེས་རབ་ལ།། ཡིད་ཀྱི་རྟོག་པ་མ་འགྱུས་ན།། གསང་སྔགས་གསང་བའི་བལྟ་བར་འདོད།། བཅོམ་ལྡན་སེང་གེ་ཆོས་སྐུ་ལ།། གཟུང་འཛིན་བྲལ་བའི་ཏིང་འཛིན་གནས།། མཚན་མ་མེད
309b2 པའི་ལྟ་བ་ལ།། བཏང་སྙོམས་ཆེན་པོའི་ཤེས་རབ་གསལ།། ཡིད་གཉིས་བྲལ་བའི་ནམ་མཁའ་ལ།། གསལ་འགྲིབ་མེད་པའི་སྒྲོན་མ་གསལ།། རང་སྣང་རྒྱ་མ་ཆད་པ་ལ།། ཡེ་ནས་ལྷུན་གྱིས་རྫོགས་པར
309b3 གསལ།། ཆོས་དབྱིངས་དོག་མེད་ཡངས་པ་ལ།། བག་ཆགས་ཟད་པའི་ཐིག་ལེ་གསལ།། མཐའ་ཡས་དོན་ལ་འགྱུར་མེད་ལ།། རང་སྣང་དག་པའི་གཟུགས་སྣང་གསལ།། སྟོང་པ་རྟོག་མེད་རང་བྱུང་ལ།། བྱས་པ་མེད
309b4 པའི་འོད་ལྔ་གསལ།། སྟོང་གསུམ་ཡེ་རྒྱས་ཐེབས་པ་ལ།། འཕྲལ་འབྱུང་རྐྱེན་གྱིས་ང་མི་སྒྲིབ།། ཆོས་དབྱིངས་ཡེ་ནས་ཡངས་པ་ལ།། གཅོང་རོང་དོག་མོས་ང་མི་བསྒྲིབ།། རང་བྱུང་ཡེ་ནས་གསལ་བ་ལ།། འཁོར་བའི
309b5 མུན་པས་ང་མི་བསྒྲིབ།། རིག་པ་ཡེ་ནས་འཆི་མེད་ལ།། སྐྱེ་དང་འཆི་བས་ང་མི་བསྒྲིབ།། སྐུ་གསུམ་ཡེ་ནས་གནས་པ་ལ།། ཆགས་སྡང་ལྔ་ཡིས་ང་མི་བསྒྲིབ།། ཐབས་དང་ཤེས་རབ་ཡེ་གནས་པས།། སྦྱོར་སྒྲོལ་གཉིས
309b6 ཀྱིས་ང་མི་བསྒྲིབ།། བདུད་རྩི་ཡེ་ནས་ནད་སེལ་བས།། དུག་ལྔའི་རྩ་བས་ང་མི་བསྒྲིབ།། རིག་པ་ཡེ་ནས་ཕྱོགས་མེད་པས།། གོལ་སྒྲིབ་གཉིས་ཀྱིས་ང་མི་བསྒྲིབ།། ཆོས་སྐུ་ཡེ་ནས་བདག་མེད་པས།། བདག་གཞན
iiif viewer powered by OpenSeadragon
