| e-texts navigator |
| Wylie |
308b1 བའི་གདོས་ཟག་ཆོད།། སྣང་བའི་སྒྲིབ་ཤིང་མེད་ན་ཡེ་ཤེས་མཁའ་ལ་གསལ།། སངས་རྒྱས་ཉིད་ལ་སངས་རྒྱས་ཉིད་ཀྱིས་བསྒྲིབ།། སྤྱན་གསུམ་གསལ་བའི་ཡེ་ཤེས་རང་སར་དངས།། འབྱུང་བ་མེད་པའི་ཆོས་ཉིད
308b2 ཀུན་ཏུ་བཟང་།། ཀུན་ཏུ་བཟང་མོས་གསང་སྔགས་ལས་ལ་སྦྱོར།། འོད་གསལ་ཟུང་འཇུག་དབྱིངས་སུ་ཐམས་ཅད་འདུས།། འབྱུང་བ་ལྔ་ཡི་ཕོ་བྲང་དཀྱིལ་འཁོར་ནས།། ཆོས་ཀྱི་སྐུ་ཡི་སྣང་བ་རང་ལུས་རྫོགས།། སྟོང
308b3 ཉིད་ཡེ་ཤེས་ཀློང་ནས་སངས་རྒྱས་ལྔ།། བསྐྱེད་པ་མ་ཡིན་རང་གི་སྙིང་པོ་ཉིད།། དགོངས་པ་མ་ཡིན་དོན་ལ་འགྱུར་བ་མེད་པ་ནི།། ཆོས་དང་ཆོས་མིན་སྣང་བའི་སྒྲིབ་ཤིང་བྲལ།། དོན་གྱི་སྙིང་པོ་སངས་རྒྱས་ཡུལ་ལ
308b4 འཇུག། བསམ་པ་ཉིད་ལས་བསམ་པའི་ཚིག་དང་བྲལ།། བརྗོད་པ་ཉིད་ལས་བརྗོད་མེད་ངང་དུ་ཐིམ།། བག་ཆགས་ཉིད་ལས་ཡེ་ཤེས་སྐུ་ལྔ་གསལ།། རྣམ་རྟོག་ཉིད་ལས་རིག་པའི་ཡེ་ཤེས་སྐྱེ།། མ་རིག་ཉིད་ལས
308b5 སངས་རྒྱས་དགོངས་པ་ཤར།། སངས་རྒྱས་ཆོས་ནི་ཅི་ཡང་མ་ཡིན་པས།། སྤྱོད་པའི་ཚེ་ན་ཅི་ཡང་མི་སྤྱོད་དོ།། བསྒོམ་པའི་དུས་ན་གང་ཡང་མི་བསྒོམ་མོ།། བལྟ་བའི་ཚེ་ན་ཅི་ཡང་མི་བལྟའོ།། ཨེ་མ་རིག་པའི་ཡེ་ཤེས
308b6 སྐུ།། དྲི་མ་གསུམ་གྱི་ཆོས་དང་བྲལ།། རྟོག་མཐའ་མེད་པ་རང་སར་གྲོལ།། ཉོན་མོངས་ལྔ་ལས་ཡེ་ཤེས་ལྔ།། ཡུལ་ལྔ་ལས་ནི་འོད་ལྔའི་སྐུ།། ཕུང་པོ་ལྔ་ལས་སངས་རྒྱས་ལྔ།། འབྱུང་བ་ལྔ་ལས་ཡུམ་ལྔར
iiif viewer powered by OpenSeadragon
