| e-texts navigator |
| Wylie |
307b1 རྒྱས་རང་རིག་ཡིན།། ཡོད་མེད་མཐའ་ལས་འདས་པ་ཆོས་ཀྱི་སྐུ།། ཡིན་མིན་རྩིས་དང་བྲལ་བའི་སངས་རྒྱས་ཉག་གཅིག་དང་།། སྤྱད་སྤྱོད་གཉིས་འཛིན་མེད་པའི་ཆོས་སྐུ་རྟོག་མེད་དང་།། འཛིན་རྟོག་ཆོས་ལས
307b2 འདས་པའི་རང་རིག་བདེ་བའི་ཤུགས།། ཨེ་མ་ཧོ་རང་བྱུང་འོད་གསལ་སྟོང་ཉིད་ཡེ་ཤེས་སྐུ།། མི་འགྱུར་སེང་གེའི་དོན་ཉིད་བསྟན་བྱའི་ཕྱིར།། ཀུན་ཏུ་བཟང་པོའི་ཞལ་ནི་ཕྱོགས་བཅུར་གསལ།། ཀུན་གཟིགས་ཀུན་ཏུ
307b3 བཟང་པོའི་སྐུ་ལ་མདུན་རྒྱབ་མེད།། ཕྱོགས་བཅུ་གང་བར་སྤྱན་གྱིས་རྣམ་པར་གཟིགས།། རྟོག་མཐའ་མེད་པར་ཡུལ་ལ་མ་ཡེངས་སྤྱོད།། འཛིན་ཆགས་མེད་པར་རང་སྣང་ཡུལ་ལ་འཇུག། མཐའ་དབུས་མེད་པར་རང
307b4 གི་ངང་དུ་འུབ།། གདོས་ཟག་མེད་པར་སྒྲོན་མའི་ངང་དུ་ཆུབ།། སྤང་ཐོབ་མེད་པར་ནམ་མཁའི་དབྱིངས་སུ་བརྡལ།། ཞེ་འདོད་མེད་པར་རང་སྣང་ཡུལ་ལ་ཁྱབ།། རྟོག་མེད་ཆོས་སྐུ་བསམ་པ་དངོས་དང་བྲལ།། བཅོས
307b5 མེད་རང་གསལ་རང་རིག་ཏིང་འཛིན་གསལ།། འཛིན་རྟོག་མེད་པའི་ངང་དུ་ཐམས་ཅད་འུབ།། མུན་པ་སངས་པའི་དུས་ན་རྣམ་པར་རོལ།། ཡུལ་མེད་ཅིག་ཆར་འདུག་པའི་མཐའ་ལ་བསྐྱོད།། འཁོར་བའི་ཡུལ་ལ་མི
307b6 གནས་རང་གི་ས་ལ་ཕྱིན།། ཉེ་རིང་མེད་པའི་དགོངས་པ་ཚིག་ཆོད་ཡིན།། ང་ནི་སྟོང་པའི་ཚིག་དང་བྲལ།། ང་ལ་མུན་པའི་ཆོས་མེད་པས།། ང་ནི་རང་སྣང་འོད་པོ་ཆེ།། ང་ལ་སྣང་བའི་རྐྱེན་མེད་པས།། ང་ནི་རྟགས་ཀྱི
iiif viewer powered by OpenSeadragon
