| e-texts navigator |
| Wylie |
307a1 དོན་ལ་རིག་པ་མེད།། ང་དང་བདག་ཏུ་བཟུང་བ་མེད།། ཡུལ་དང་དབང་པོར་ཕྱེ་བ་མེད།། གོལ་སྒྲིབ་ལྟུང་བའི་རྒྱུ་ཅན་མེད།། རང་སྣང་ཉིད་ལ་བཅོས་སུ་མེད།། འབྱུང་བ་ལྔ་ཉིད་སངས་རྒྱས་ཡིན།། ཡེ
307a2 ཤེས་ལྔ་ཉིད་དབྱིངས་ལ་རོལ།། ཐམས་ཅད་འབྱུང་བའི་ཆོས་སྐུ་ལས།། ཀློང་ཡངས་ཡུལ་མེད་ངང་དུ་ཐིམ།། བཅས་བཅོས་མེད་ན་སྤྱོད་པ་ཡིན།། རང་སྣང་མཐོང་ན་ལྟ་བ་ཡིན།། དེ་ལས་མ་ཡེངས་བསྒོམ་པར
307a3 བཤད།། གཏང་གཞག་མེད་ན་ཏིང་འཛིན་ཐོབ།། ཕྱོགས་ལྷུང་མེད་ན་རང་ས་ཟིན།། མ་བྱས་རང་བྱུང་ཡེ་ནས་གྲུབ།། དང་པོའི་གནས་ས་གང་ཡིན་པར།། ཐ་མ་དེ་ཡི་གནས་སུ་འགྲོ།། ད་ལྟ་དེ་ཡི་དོན་ལ
307a4 གནས།། བར་དུ་ཡེ་ཤེས་སྒྱུ་རྩལ་འབྱོངས།། འབྱོངས་ནས་ཡེ་ཤེས་དབྱིངས་སུ་ཐིམ།། ཐིམ་ནས་འོད་ཟེར་ཕྱོགས་མེད་འཕྲོ།། རང་སྣང་དོན་གྱི་དཀྱིལ་འཁོར་དུ།། རིག་པའི་ཆོས་ཉིད་མ་འདྲེས་རྫོགས།། རྫོགས་ཆེན
307a5 ལྟ་བ་རང་གནས་ཉིད།། བག་རྡུལ་དངས་པའི་ནམ་མཁའ་ལ།། མ་ཡེངས་ཚུལ་གྱིས་གསལ་བའོ།། གཡེངས་བྲལ་ཆོས་ཉིད་འགྱུར་བ་མེད།། བསམ་གཏན་བསྒོམ་པས་ཆོས་ཉིད་དོན་མི་མཐོང་།། རང་སྣང་ཏིང་འཛིན
307a6 བསམ་པའི་ཕྱོགས་དང་བྲལ།། སྤྲོས་བྲལ་ཆོས་ཉིད་ནམ་མཁའི་མཐའ་དང་མཚུངས།། འཛིན་བྲལ་རང་སྣང་ཆུ་བོའི་ཀློང་དང་མཚུངས།། དམིགས་པ་དག་པའི་ཡུལ་ལ་འཛིན་རྟོག་མེད།། མཐའ་བཞི་བྲལ་བའི་སངས
iiif viewer powered by OpenSeadragon
