| e-texts navigator |
| Wylie |
306b1 ཉིད་རང་སྣང་རང་རྟག་སེང་གེ་ལ།། བྱུང་རྟོག་མེད་པའི་ཆོས་སྐུ་མཁའ་ལ་ཁྱབ།། ཆགས་འཛིན་མེད་པས་རྣམ་རྟོགས་ག་ལ་ཡོད།། ལྷུན་གྲུབ་ཆོས་ཉིད་རྒྱ་མ་ཆད་པ་ཡིན།། བཟུང་བའི་ཡུལ་དང་རང་རྟོག་རྣམ་པར
306b2 དག། ཀྱེ་མ་ཡང་དག་བདེ་བའི་སྐུ་ལ་སྣང་བ་རྫོགས།། ཨེ་མ་ཆོས་སྐུ་གཅིག་ལ་དོན་བརྗོད་པས།། རང་གི་སྒྱུ་མའི་སྐུ་གཉིས་རྣམ་པར་སྣང་།། བསྐྱེད་པ་མ་ཡིན་རང་བྱུང་རྫོགས།། འགྲོ་དང་འོང་མེད་གཅིག་པུ
306b3 ཉིད།། བྱ་བཙལ་གཟུང་འཛིན་མེད་པའི་སྐུ།། སྟོང་པ་ཡུལ་མེད་ནམ་མཁའ་ལ།། རང་རིག་གསལ་དངས་ངོ་བོར་བརྟག། ཡིད་མ་འགྲུས་པའི་ཆོས་ཉིད་ལ།། ཡེ་ཤེས་མཛེས་པའི་འོད་ཟེར་འཕྲོ།། སྣང་བ་མེད་པའི
306b4 ཆོས་ཉིད་ནི།། སྤྱོད་པའི་མཐའ་གཉིས་རྣམ་པར་གསལ།། རང་བྱུང་རིག་པའི་ངོ་བོ་ལ།། མཚན་མའི་ཡུལ་གྱིས་གོས་པ་མེད།། རྣམ་དག་དྲི་མེད་སྐྱོན་བྲལ་ལ།། ཆགས་པ་མེད་པའི་ཀུན་ཏུ་བཟང་།། གསལ་ཆ་མ
306b5 འགགས་འཛིན་པ་མེད།། ཨ་ཏི་སྟོང་དང་མི་སྟོང་པ།། དབུས་མཐའ་རྣམ་པར་མི་འབྱེད་དོ།། གོམས་པའི་སྟབས་ཀྱིས་ཉམས་བླངས་ན།། རང་གི་དེ་ཉིད་ཀུན་ཏུ་གསལ།། དཔེར་ན་ནོར་བུ་རིན་ཆེན་བཞིན།། ཡོན་ཏན
306b6 ཟད་མེད་གཏེར་ལ་སྤྱོད།། ཐོག་མ་མེད་པའི་དུས་དག་ནས།། ད་ལྟ་ཡེ་ཤེས་སྣང་བ་རྣམས།། གཅིག་ལས་མེད་པར་ང་ཡིས་བསྟན།། ཡིན་མིན་གཉིས་ཀྱི་སྒོ་འདོགས་ཆོད།། རིག་པས་ཕ་རོལ་དོན་མི་རྙེད།། རང་གི
iiif viewer powered by OpenSeadragon
