| e-texts navigator |
| Wylie |
306a1 ན།། གཡའ་དག་མེ་ལོང་དཀྱིལ་འཁོར་དངས་པ་ལྟོས།། ལྷུན་གྱིས་རྫོགས་པའི་ཞིང་ལ་བལྟ་འདོད་ན།། སྐྱེད་པར་བྱེད་པའི་ས་བོན་འབྲུ་ལ་ལྟོས།། ཆོས་ཉིད་ངོ་བོ་ཀ་དག་བལྟ་འདོད་ན།། རྐྱེན་དང་ཕྲད
306a2 པའི་ཆུ་ཟླའི་དཀྱིལ་འཁོར་ལྟོས།། འབྱུང་སྡུད་བྲལ་བའི་ཀུན་བཟང་སེང་གེ་ངས།། ཆོས་སྐུ་མཚོན་པར་བྱེད་པའི་ཚིག་དང་ཡི་གེ་བཤད།། ཚིག་དང་ཡི་གེས་ཆོས་སྐུ་སྟོན་མི་ནུས།། ཚིག་ལ་ཞེན་ན་རྣལ་འབྱོར་རྟོག་པའི
306a3 ལམ།། ཚིག་གིས་བློ་ཡི་ཐེ་ཚོམ་རབ་བསལ་ནས།། ཚིག་ལ་མི་གནས་རང་གི་དོན་ལ་བསྐྱལ།། འཛིན་ཆགས་མེད་པའི་ཆོས་ཉིད་དངོས་བྲལ་འདི།། སངས་རྒྱས་རྣམས་ཀྱི་དགོངས་པ་མཐར་ཐུག་ཡིན།། སོ་སོར
306a4 རྟོགས་དང་མཚན་མ་ཚིག་གི་ལམ།། བྱ་བཙལ་མེད་པའི་ཆོས་ཉིད་རང་སར་དག། འུབ་ཆུབ་ཆོས་ཉིད་རང་བཞིན་ཡུལ་ལ་འཇུག། དག་དང་མ་དག་ཆོས་ཉིད་བཅོས་སུ་མེད།། གཅིག་དང་གཉིས་ལས་འདས་པའི་ཡེ
306a5 གནས་དོན།། རང་གི་ངང་དུ་ཐིག་ལེ་གཅིག་གིས་འུབ།། དུས་མེད་རྟོགས་པས་ཏིང་འཛིན་མ་ཡེངས་གསལ།། མཐའ་དབུས་མེད་པས་ཆོས་ཉིད་མིང་དང་བྲལ།། འགྱུར་བ་མ་ཡིན་དྲང་པོར་ཡོངས་ལ་ཁྱབ།། བྱས་པ་མ
306a6 ཡིན་བྱུང་བར་ལྷུན་གྱིས་གྲུབ།། འཛིན་པའི་ཡུལ་དུ་མེད་པའི་སྣང་བ་ལ།། ཀུན་རྟོག་མ་ཡིན་ལྷུན་གྲུབ་རྣམ་པར་འཕྲོ།། ཡུལ་དུ་མེད་པས་རང་ཉིད་ས་ལས་འདས།། འཇུག་པའི་ས་དང་ལམ་ལ་བཅོས་སུ་མེད།། ཆོས
iiif viewer powered by OpenSeadragon
