| e-texts navigator |
| Wylie |
305b1 བཅས།། འགྱུར་མེད་ལམ་སྣང་འདྲེན་པའི་རྟགས།། སེམས་ཅན་ཀུན་གྱི་སྙིང་ལ་གནས།། གསང་བ་བས་ཀྱང་ཆེས་གསང་བ།། གབ་པ་མངོན་དུ་བསྟན་པ་ཡིན།། དགོངས་དོན་ཆེན་པོས་ཡིན་པར་གསུངས།། ཐབས
305b2 ལ་མ་ཆགས་ཤེས་རབ་གདོས་ཐག་ཆད།། རྒྱུ་ལ་མི་གནས་འབྲས་བུ་རང་སྣང་ངོ་།། རྟོག་པ་མེད་པའི་ཆ་ལུགས་མངོན་པར་སྣང་།། བྲི་བ་མ་ཡིན་གང་བ་ག་ལ་ཡོད།། ཤེས་བྱའི་ཡུལ་ལས་འདས་ཤིང་དོན་བྱེད
305b3 པའོ།། དེ་ནས་འདུས་པའི་ཚོགས་རྣམས་ཀྱིས།། ཀུན་བཟང་ཡབ་ལ་དོན་ཞུས་པ།། ཀྱེ་ཀྱེ་ཀུན་བཟང་སེང་གེའི་བདག། ཡང་དག་སངས་རྒྱས་དགོངས་པ་ཉིད།། འདུས་པའི་ཚོགས་ལ་བསྟན་དུ་གསོལ།། དེ་ནས་རྒྱལ
305b4 བ་སེང་གེའི་སྐུས།། འདུས་པའི་ཚོགས་ལ་བཀའ་སྩལ་པ།། ཨེ་མ་རིགས་ལྔ་རྒྱལ་བའི་སྲས།། ཡེ་ཤེས་ཀློང་གི་གཏན་ཚིགས་ཉོན།། སངས་རྒྱས་ཡེ་ཤེས་རྒྱ་མཚོའི་ཀློང་།། འགྱུར་མེད་ཡེ་ཤེས་དུར་ས་ནི།། རང་རིག
305b5 སྙིང་ལ་རྫོགས་པའི་དོན།། ང་ཡིས་ལེགས་པར་བསྟན་པར་བྱ།། ཀྱེ་མ་འདུས་པའི་འཁོར་ཚོགས་རྣམས།། ཆོས་ཉིད་སྐུ་ཡི་སྣང་བ་བལྟ་འདོད་ན།། ཡེ་ནས་དག་པའི་མན་ཤེས་སྐུ་ལ་ལྟོས།། འོད་གསལ་བདེ་བའི་སྐུ་ལ
305b6 འཇུག་འདོད་ན།། གཟུང་འཛིན་དག་པའི་སྒྲོན་མ་རྣམ་གཉིས་ལྟོས།། ཆོས་སྐུ་རང་སྣང་ཕྱོགས་མེད་བལྟ་འདོད་ན།། ཕྲ་རགས་བྲལ་བའི་ནམ་མཁའི་དབྱིངས་སུ་ལྟོས།། རྟོག་མཐའ་བྲལ་བའི་ཆོས་ཉིད་བལྟ་འདོད
iiif viewer powered by OpenSeadragon
