| e-texts navigator |
| Wylie |
304a1 མེད་པའི་སེང་གེ་ཡིས།། བཏང་བཞག་མེད་པའི་གངས་དཀར་ལ།། མུན་པ་སངས་པའི་རྩལ་གསུམ་རྫོགས།། བསམ་མེད་དངས་པའི་སེང་གེ་ངས།། ཀ་དག་དྲི་མེད་གངས་བཟང་ལ།། འབྱུང་བ་སངས
304a2 པའི་རྩལ་གསུམ་རྫོགས།། དཀྱིལ་འཁོར་དོན་གྱི་སེང་གེ་ངས།། བག་ཆགས་ཟད་པའི་གངས་བཟང་ལ།། ཕྱིན་པ་མེད་པའི་རྩལ་གསུམ་རྫོགས།། རང་སྣང་རྟོགས་པའི་སེང་གེ་ངས།། ཡིད་མ་འགྱུས་པའི་གངས
304a3 དཀར་ལ།། རྣམ་དག་སྤྱན་གྱི་རྩལ་གསུམ་རྫོགས།། དགོངས་པ་རང་གནས་སེང་གེ་ངས།། བྱ་བྱེད་བྲལ་བའི་གངས་བཟང་ལ།། ཡུལ་དྲུག་སྤྱོད་པའི་རྩལ་གསུམ་རྫོགས།། དངོས་བྲལ་ཆོས་ཉིད་སེང་གེ་ངས།། ཕྲ
304a4 རགས་བྲལ་བའི་གངས་དཀར་ལ།། རང་སྣང་དག་པའི་རྩལ་གསུམ་རྫོགས།། རྩལ་ལ་ཡང་དག་དོན་ཆེན་རྫོགས།། འཛིན་མེད་རང་སྣང་དེ་བཞིན་ནོ།། ཀྱེ་མ་རིགས་ལྔའི་དཀྱིལ་འཁོར་ཉོན།། རྣམ་དག་བརྗོད་མེད
304a5 ཡེ་ཤེས་སེང་གེའི་ཀློང་།། བསྐྱེད་པ་མི་མངའ་སངས་རྒྱས་ཡེ་ཤེས་སྐུ།། རྫོགས་པ་མི་མངའ་ཡེ་ཤེས་དོན་ལ་འཇུག། ཀུན་བཟང་སེང་གེའི་ཆོས་ཉིད་ནམ་མཁའ་ལ།། རང་གནས་བསམ་བྲལ་རྣམ་རྟོག་མིང་དང
304a6 བྲལ།། འཛིན་པ་མེད་པར་ཅིག་ཆར་ཡུལ་ལ་འཇུག། ཡང་དག་མཚན་འཛིན་སོ་སོའི་དཀྱིལ་འཁོར་ཆེ།། ཆེ་བའི་ཆེ་བས་སངས་རྒྱས་སྐུ་དང་ཕྲད།། ཆུང་བའི་ཆུང་བས་རང་རིག་སྤྱན་གྱིས་མཚོན།། ཕྲ་བའི་ཕྲ་བས་རིག
iiif viewer powered by OpenSeadragon
