| e-texts navigator |
| Wylie |
303b1 སེང་གེའི་ཚུལ།། རིག་པ་ཡབ་ཀྱི་སེང་གེ་ངས།། ཀུན་རིག་རྩ་བའི་སེང་གེ་བསྟན།། རང་སྣང་ཀུན་ཏུ་བཟང་པོ་ངས།། ཆགས་མེད་ཡུལ་གྲོལ་སེང་གེ་བསྟན།། ཆོས་ཉིད་རང་གདངས་སེང་གེ་ཡིས།། འཁྲུལ་པ་ཡུལ་གྱི
303b2 རྩ་བ་བཅད།། ཆགས་མེད་བཏང་སྙོམས་སེང་གེ་ངས།། ཞེན་ཆགས་ལམ་གྱི་རྩ་བ་བཅད།། རྟོག་སངས་རིག་པའི་སེང་གེ་ངས།། སྣ་ཚོགས་མཚན་མའི་རྩ་བ་བཅད།། འགྱུར་མེད་ཀུན་སྣང་སེང་གེ་ངས།། ཡང་དག
303b3 ཆོས་སྐུའི་ངོ་བོ་མཐོང་།། རྩལ་ཆེན་ཡུལ་འཇོམས་སེང་གེ་ངས།། བག་ཆགས་འཁྲུལ་པའི་རྩ་བ་བཅད།། ང་ནི་རང་རིག་སེང་གེ་ལ།། མཚན་མའི་ཆོས་ཀྱི་ཞེ་འདོད་མེད།། རང་སྣང་འོད་ཀྱི་སེང་གེ་ལ།། དྲི་མའི
303b4 མཐའ་གཉིས་རྣམ་པར་དག། སྟོང་པའི་ཡེ་ཤེས་སེང་གེ་ངས།། སྨད་པར་བྱེད་པའི་མ་རིག་སངས།། སྐུ་གསུམ་དྲི་མེད་སེང་གེ་ངས།། རང་རིག་སྣང་བའི་སྐུ་གསུམ་མཐོང་།། ཟིན་པ་མེད་པའི་སེང་གེ་ངས།། བྱས་པ
303b5 མེད་པའི་ངང་དུ་བཞག། འཁྲུལ་པ་མེད་པའི་སེང་གེ་ངས།། བློ་ཡི་ཐེ་ཚོམ་བཅད་པའོ།། རང་སྣང་ཆོས་ཀྱི་སེང་གེ་ངས།། རྟོག་པའི་རང་མདུད་སངས་པ་ཡིན།། རང་བཞིན་མངོན་སྣང་སེང་གེ་ངས།། གཞན་འབྱུང
303b6 འཁྲུལ་པའི་རྩ་བ་སྤངས།། སྐྱེད་པར་བྱེད་པའི་སེང་གེ་ངས།། རང་བྱུང་རྫོགས་པའི་སངས་རྒྱས་རྙེད།། ཕྲ་རགས་བྲལ་བའི་སེང་གེ་ངས།། རྟོག་པ་ཀུན་གྱི་རྩ་བ་བཅད།། ཨེ་མ་སེང་གེ་བགྲོད་མེད་ལམ།། བྱ་བཙལ
iiif viewer powered by OpenSeadragon
