| e-texts navigator |
| Wylie |
303a1 རྩལ་རྫོགས་ཆེན་པོའི་རྒྱུད་ལས། སེང་གེ་རང་སྣང་གི་ལྟ་བ་བསྟན་པའི་ལེའུ་སྟེ་གཉིས་པའོ།། །། དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོ་ཉིད། ཆོས་ཉིད་རང་སྐད་ཀྱི་ཏིང་ངེ་འཛིན
303a2 ལ་སྙོམས་པར་ཞུགས་སོ།། དེ་ནས་ཡང་ཀུན་རིག་ཆོས་རྗེ་ལ་སོགས་པའི་འཁོར་རྣམས་ཀྱིས་འདི་སྐད་ཅེས་གསོལ་ཏོ།། ཨེ་མ་རང་སྣང་རིག་པའི་དོན།། བདག་ཅག་རྣམས་ལ་བསྟན་དུ་གསོལ།། ཏིང་ངེ་འཛིན་ལས
303a3 རབ་ཏུ་བཞེངས།། དེ་ནས་རང་རིག་ཀུན་བཟང་དེས།། ཏིང་ངེ་འཛིན་ལས་བཞེངས་ནས་ནི།། ཆོ་འཕྲུལ་ཆེན་པོའི་ཏིང་འཛིན་བསྟན།། དེ་ནས་ཀུན་རིག་ཆོས་ཀྱི་རྗེས།། ལེགས་པའི་ཚིག་གིས་ཞུ་བ་ཞུས།། ཀུན་བཟང
303a4 རིག་པས་བཀའ་སྩལ་པ།། ཨེ་མ་རིགས་ལྔའི་སངས་རྒྱས་ཉོན།། ང་ནི་རང་རིག་ཀུན་ཏུ་བཟང་།། ཀུན་བཟང་སེང་གེའི་བལྟ་བ་ནི།། ང་ཉིད་གཅན་གཟན་སེང་གེ་བཞིན།། འཇིགས་པ་ཀུན་དང་བྲལ་བ་སྟེ།། རང་གི།
303a5 གདངས་ལ་རྣལ་དུ་འདུག། མི་འགྱུར་སེང་གེ་ཀུན་བཟང་ངས།། རིག་པ་འགྱུར་མེད་སེང་གེ་ལ།། ལྟ་བ་རྟོག་མེད་སེང་གེ་བསྟན།། རང་བྱུང་རྟོག་མེད་སེང་གེ་ངས།། སྐུ་ལྔ་རང་རྫོགས་སེང་གེ་ལ།། འོད་སྣང་སེང་གེ
303a6 དག་པ་བསྟན།། རང་རིག་ཀུན་ཏུ་བཟང་པོ་ངས།། རྩལ་རྫོགས་གཅན་གཟན་སེང་གེ་བཞིན།། དོགས་མེད་སྟོབས་བདག་སེང་གེ་ངས།། ཆོ་འཕྲུལ་ཕྱི་ཡི་སེང་གེ་རྩལ།། སྣང་བ་ནང་གི་སེང་གེ་ལ།། འབྱུང་བ་འོད་སྣང
iiif viewer powered by OpenSeadragon
