| e-texts navigator |
| Wylie |
302a1 བྲལ།། ང་ཡི་དཀྱིལ་འཁོར་ཆེན་པོ་ནི།། སྐུ་ཡི་འོད་དང་གསུང་གི་ཟེར།། ཐུགས་ཀྱི་དགོངས་པར་གནས་པའོ།། ང་ལ་འོད་ཟེར་ཡང་ཡོད་དེ།། སེམས་ཀྱི་འཛིན་ཆགས་སྤངས་པའི་ཕྱིར།། སྣང་བ་ཞེན
302a2 མེད་སྒྲོན་མར་གསལ།། རྟོག་མེད་རང་སྣང་བསྟན་པའི་ཕྱིར།། བདེ་གཤེགས་སྐུ་ཡི་འོད་ལྟར་སྣང་།། སྟོང་པ་ཉིད་ལས་ལོག་པའི་ཕྱིར།། མཛེས་པའི་འོད་ཟེར་རྣམ་ལྔ་གསལ།། ཐིག་ལེ་ཉག་གཅིག་སྣང་བ་ལ།། བྲི་བ
302a3 མེད་ཅིང་གང་བ་མེད།། ཆོས་ཀྱི་སྐུ་ཡི་རང་ཡུལ་དང་།། སེམས་ཅན་སྣང་བའི་རང་ཡུལ་གཉིས།། སྟོང་རིག་གསལ་བའི་དངོས་པོར་སྣང་།། སངས་རྒྱས་ཀུན་ཀྱི་ལྟ་ཕུགས་ནི།། དབྱིངས་རིག་གཉིས་ལས་མ
302a4 འདས་པའོ།། དབྱིངས་དང་རིག་པའི་ཆོ་འཕྲུལ་ལས།། ཡེ་ཤེས་རྟོག་མེད་ཕྱོགས་དང་བྲལ།། རང་སྣང་དངོས་མེད་དཀྱིལ་དང་འཁོར།། ཕྲ་རགས་ཡུལ་གྱིས་མ་བསྒྲིབས་སོ།། བསམ་པའི་ངང་ལས་མ་འདས
302a5 ན།། འཁོར་བ་སྡུག་བསྔལ་ཆེན་པོར་བཤད།། དབྱིངས་རིག་ཤེས་པའི་རྣལ་འབྱོར་པས།། གསང་སྔགས་དགོངས་པ་ཚད་མར་བལྟ།། ཤེས་བྱ་ཡུལ་གྱི་སྣང་བ་ལ།། ཆོས་ཉིད་ནང་གི་ཏིང་འཛིན་གསལ།། གསལ་བའི
302a6 ཡེ་ཤེས་ཕྱོགས་མེད་ལ།། མཐར་ལྷུང་མེད་པའི་ལྟ་བ་གསལ།། སྒྲ་དང་ཐ་སྙད་མིང་བཏགས་རྣམས།། ཆོས་ཀྱི་དབྱིངས་ཀྱི་རྒྱན་དུ་གསུངས།། རང་སྣང་ཐབས་ཀྱི་རྒྱལ་པོ་ལ།། སྟོབས་ཀྱི་རིག་པ་མ་འགགས
iiif viewer powered by OpenSeadragon
