| e-texts navigator |
| Wylie |
301b1 མེད་པའི་རང་སྣང་ནམ་མཁའ་ལ།། ཞེ་འདོད་མེད་པའི་སྒྲོན་མ་རྣམ་གཉིས་གསལ།། སྤང་ཐོབ་མེད་པའི་ཆོས་སྐུའི་སྣང་བ་མཐོང་།། ཕྱོགས་དང་བྲལ་བའི་འོད་ཀྱི་མུ་ཁྱུད་ཟིན།། བདག་དང་བྲལ་བའི་སྒྱུ་མའི་སྐུ་ལྔ
301b2 སྣང་།། ཡུལ་དང་བྲལ་བའི་ཆོས་ཉིད་དུ་མར་སྣང་།། སྟོང་རིག་གསལ་བའི་སྐུ་ལ་འགྱུར་བ་མེད།། འབྱུང་བའི་རྐྱེན་གྱིས་མ་གོས་རང་གསལ་བདེ་བའི་སྐུ།། རྟོག་པའི་ཕྱོགས་སུ་མ་ལྟུང་སངས་རྒྱས་དགོངས་པ
301b3 ཉིད།། ཆོས་ཉིད་ཤེས་རབ་ཁོང་ནས་སྐྱེས་པ་ཡིས།། ཡུལ་སེམས་བྲལ་བའི་དགོངས་པ་རང་སྣང་ངོ་།། མཚན་མའི་ཡུལ་ལ་འཛིན་པའི་རྟོག་པ་བཅོམ།། མ་རིག་ཀློང་ནས་ཡེ་ཤེས་སྣང་བ་སངས།། ཀ་དག་དབྱིངས་སུ
301b4 ཆོས་སྐུ་ཆེན་པོ་རྙེད།། སྣང་བའི་ཡུལ་དང་རྟོག་པའི་ཆོས་ལས་གྲོལ།། སངས་རྒྱས་པ་དང་རང་གི་རིག་པ་མཉམ།། བསྟན་དུ་ཡོད་ཅིང་རང་སྣང་མཐོང་བའི་ཕྱིར།། ཉོན་མོངས་དྲི་མ་ཡེ་ཤེས་སྣང་བར་འགྱུར།། ཆོས
301b5 དང་ཆོས་མིན་གསང་སྔགས་ལས་བྱུང་བ།། རང་རིག་རང་གི་འོད་ལ་རྟག་ཏུ་བཞུགས།། མཐའ་སྡུད་དོན་གཅོད་དབྱིངས་ཀྱི་རང་བཞིན་ཡིན།། གཅིག་དང་དུ་མའི་སྒྲ་དང་ཐ་སྙད་བྲལ།། བཟང་དང་ངན་པའི་ཡུལ་མེད
301b6 རང་གི་བདེ་བ་ཆེ།། ཆོས་སྤྱོད་བྱིས་པའི་སྤྱོད་པས་བསླུས་གྱུར་ན།། དགོངས་པ་སྙེད་པར་སངས་རྒྱས་ཉིད་ཀྱིས་མ་བཤད་དོ།། ཆོས་ཀྱིས་སངས་རྒྱས་ཉིད་ཀྱི་སྣང་བ་སྒྲིབས།། ང་ཡི་ཆོས་ནི་བརྗོད་པའི་མཐའ་དང
iiif viewer powered by OpenSeadragon
