| e-texts navigator |
| Wylie |
301a1 ནས་རྫོགས།། སྟོང་པའི་སྐུ་ལ་ངོས་བཟུང་ག་ལ་ཡོད།། འོད་གསལ་སྐུ་ལ་མཚན་མའི་རྣམ་རྟོག་མེད།། ཡེ་ཤེས་སྐུ་ལ་གསལ་དང་མི་གསལ་མེད།། རང་སྣང་སྐུ་ལ་ཉོན་མོངས་བསམ་པ་མེད།། ཆོས་ཉིད
301a2 སྐུ་ལ་ཡིན་མིན་རྩིས་དང་བྲལ།། རིག་པའི་སྐུ་ལ་བདག་རྟོག་ཡིད་དང་བྲལ།། དབྱིངས་ཀྱི་སྐུ་ལ་རྒྱ་ཆད་ཕྱོགས་དང་བྲལ།། སངས་རྒྱས་སྐུ་ནི་མ་བསྒྲིབས་དེ་བཞིན་གནས།། སེམས་ཅན་ཀུན་གྱི་ནོར་བུ་རིན་ཆེན
301a3 ཡིན།། སྟོང་པའི་ལམ་ལ་རང་བྱུང་ཡེ་ཤེས་གསལ།། སྔགས་པས་སངས་རྒྱས་ཡེ་ཤེས་སྤྱན་དུ་འདོད།། ཕྱོགས་སུ་སྣང་བའི་ཡུལ་ནི་རབ་ཏུ་སྤངས།། ཕྱོགས་སུ་མ་ལྷུང་ཉི་ཟླའི་དཀྱིལ་འཁོར་བཞིན།། ཡེ་ཤེས་སྣང་བ
301a4 ཉམས་སུ་བླང་ཐབས་ནི།། དུས་གསུམ་གཤེགས་པས་འདི་ལྟར་རབ་ཏུ་བསྔགས།། གྲོགས་མེད་གཅིག་པུར་འདུག་ན་སྣང་བ་གྲོགས་སུ་འཆར།། བལྟར་མེད་སྐུ་ལ་བལྟས་ན་རང་གི་སྣང་བ་མཐོང་།། རྐང་མེད་མཁའ
301a5 ལ་བསྐྱོད་པས་སྣང་སྲིད་དབང་དུ་སྡུད།། རིག་པ་རྐྱེན་དང་འཕྲད་པས་རང་གི་བདེ་བ་རྙེད།། རིག་པ་མཁའ་ལ་གསལ་བས་རང་རིག་དབྱིངས་སུ་ཚུད།། འཛིན་པའི་ཆོས་དང་བྲལ་ན་རང་སྣང་རྟོགས་པའི
301a6 མཆོག། སངས་རྒྱས་ཐུགས་ལ་དེ་བཞིན་གནས་པའོ།། ཨེ་མ་ཧོ་རིགས་བཞིའི་སངས་རྒྱས་ཉོན།། གསང་སྔགས་ཀུན་གྱི་ཐབས་ཀྱི་ཡན་ལག་ནི།། གཟུང་འཛིན་རྣམ་རྟོག་ངང་གིས་བྲལ་བར་གསུངས།། འཛིན་ཆགས
iiif viewer powered by OpenSeadragon
