| e-texts navigator |
| Wylie |
300b1 ལ་འཇུག། མཆེད་པ་དང་ནི་སྐུ་ཡི་འོད་ཟེར་འཕྲོ།། སྣང་བ་རྩལ་གྱི་འབྱུང་བ་མཁའ་ལ་འཁྱིལ།། ཡིན་པ་ཙམ་གྱིས་བློ་ཡི་ཐེ་ཚོམ་བསལ།། དེ་ནི་རང་གི་ཡུལ་དུ་ཀུན་ཏུ་བཟང་པོས་བསྟན།། རིག་པའི་ཞལ་ནི་མ
300b2 འགགས་ཕྱོགས་བཅུར་གསལ།། རིག་པའི་སྐུ་ལ་ཆེ་དང་ཆུང་བ་མེད།། རིག་པའི་སྣང་བ་ཕྱོགས་དང་རིས་སུ་མེད།། རིག་པའི་ཡེ་ཤེས་ཡུལ་ལ་རྣམ་པར་སྣང་།། རིག་པའི་ས་བོན་འཕེལ་དང་འགྲིབ་པ་མེད།། རིག
300b3 པའི་ངོ་བོ་རྟོགས་དང་མ་རྟོགས་མེད།། རིག་པའི་ཆོས་ཉིད་ང་དང་བདག་ཏུ་མེད།། རིག་པ་ཉིད་ལ་དུས་གསུམ་གཡོ་བ་མེད།། རིག་པའི་ཆོ་འཕྲུལ་སྣ་ཚོགས་ཅིར་ཡང་སྟོན།། རིག་པའི་ངོ་བོ་གཅིག་ལ་འགྱུར་བ
300b4 མེད།། རིག་པའི་རང་བཞིན་ཐ་སྙད་གཅིག་ཏུ་སྡུད།། རིག་པའི་དངོས་པོ་སྐུ་དང་འོད་དུ་ཤར།། རིག་པའི་སྒྲོན་མ་ཡུལ་དང་ལྷན་ཅིག་གནས།། རྟོག་པ་མེད་ན་ཆོས་ཉིད་དོན་དང་ཕྲད།། ཆོས་ཀྱི་སྐུ་ལ་འཁྲུལ་རྟོག་ག་ལ
300b5 ཡོད།། ལོངས་སྤྱོད་སྐུ་ལ་ངར་འཛིན་ངང་གིས་མེད།། སྤྲུལ་པའི་སྐུ་ལ་ཞེ་འདོད་མེད་པར་བསྟན།། རིག་པའི་སྐུ་ལ་གསལ་འགྲིབ་ཡོངས་ཀྱིས་མེད།། སེམས་ཀྱི་སྐུ་ནི་སྣ་ཚོགས་ཅིར་ཡང་འཛིན།། ཡིད་ཀྱི་སྐུ་ནི་སྣ
300b6 ཚོགས་གཅོད་པར་བྱེད།། མ་རིག་སྐུ་ནི་ཐམས་ཅད་སྡུད་པར་བྱེད།། དེ་དག་དེ་ཕྱིར་འཁྲུལ་པའི་སྐུ་ཡིན་ནོ།། རིག་པའི་སྐུ་ནི་འདི་ལྟ་སྟེ།། ཡང་དག་སྐུ་ལ་སྣང་སྲིད་ཆོས་རྣམས་གསལ།། རྡོ་རྗེའི་སྐུ་ནི་མ་སྐྱེས་གདོད
iiif viewer powered by OpenSeadragon
