| e-texts navigator |
| Wylie |
299b1 ཉིད་ཀྱི་ཤེས་རབ་ཡིད་མེད་ལ།། སྣང་བ་མེད་པའི་ཆོས་ཉིད་ཀུན་ཏུ་བཟང་།། སྐྱེ་འགག་མེད་པའི་རང་བཞིན་བདེ་བའི་སྐུ།། དམིགས་པ་མེད་པའི་ཏིང་འཛིན་ཆོས་ལས་གྲོལ།། བསམ་འདས་དངོས་པོའི་ཡུལ་ལ
299b2 བདག་འཛིན་མེད།། སངས་རྒྱས་ཀུན་གྱི་ཡེ་ཤེས་འོད་འབར་ནི།། ཉི་མའི་ཟེར་བཞིན་ཀུན་ལ་སྙོམས་པར་གནས།། ཐུགས་རྗེ་མཉམ་ཉིད་སྒྲོན་མའི་ཞགས་པ་ནི།། འཆར་བྱེད་མ་འགགས་དབང་པོའི་ཡུལ་ལས
299b3 ལོག། ཡུལ་སེམས་གཉིད་མེད་རང་བྱུང་དགོངས་པ་ནི།། རྟོག་མེད་ཆོས་སྐུ་རང་གསལ་ཆེན་པོའི་ངང་།། མཉམ་ཉིད་དངོས་བྲལ་སངས་རྒྱས་དགོངས་པ་ནི།། ཡེ་ཤེས་རང་སྣང་ཆོས་སྐུའི་མཁའ་ལ་རོལ།། སྤྲོས
299b4 བྲལ་རིག་པ་ནམ་མཁའི་མཐའ་དང་མཉམ།། སྤྱོད་པ་སྟོང་ཡུལ་འཛིན་མེད་རང་སར་གྲོལ།། དགོངས་པ་རང་གནས་ཏིང་འཛིན་ཅོག་བཞག་དང་།། དངོས་མེད་རང་སྣང་དཀྱིལ་འཁོར་ཀུན་གྱི་དངོས།། འགྱུར་མེད
299b5 རང་སངས་ཆོས་ཉིད་ཀུན་གྱི་ཡུལ།། བདེ་ཆེན་རིག་པའི་ས་བོན་འོད་པོ་ཆེ།། རང་སྣང་ཡུལ་ལ་མི་རྟོག་གཅིག་ཏུ་ལྷང་ངེ་གནས།། དཔྱོད་པ་ཡིད་ཀྱི་རྣམ་རྟོག་བྲལ་བ་ནི།། གསང་སྔགས་གཏན་ཚིགས་ཆེན་པོ་ང་ཡིས
299b6 བཤད།། སངས་རྒྱས་དགོངས་པ་ཡང་དག་གཅིག་པུ་ཉིད།། སོ་སོ་རང་རང་བདེན་པའི་ཡུལ་ལ་འཇུག། བལྟར་མེད་གཡེངས་བྲལ་ཉིད་ཀྱི་སྐུ་ལ་རྣམ་པར་བལྟས།། སྨད་མེད་སྤྱོད་པ་ཉིད་གྱི་ཏིང་འཛིན་ངང་ལ
iiif viewer powered by OpenSeadragon
