| e-texts navigator |
| Wylie |
298b1 གསུང་གནས་པ།། གསུང་ནི་འགག་མེད་ཚངས་པའི་དབྱངས།། སྣང་བ་མཐའ་ཡས་རང་བྱུང་སྐུ།། སེམས་ཅན་ཀུན་གྱི་རང་རྒྱུད་ལ།། སངས་རྒྱས་ཀུན་གྱི་ཐུགས་གནས་པ།། ཐུགས་ནི་རྟོག་མེད་འཁྲུལ་པ་ཟད།། རྡོ
298b2 རྗེ་སེམས་དཔའ་སྐྱེ་འཇིག་བྲལ།། སེམས་ཅན་ཀུན་གྱི་རང་རྒྱུད་ལ།། སངས་རྒྱས་ཀུན་གྱི་རྒྱུ་གནས་པ།། རྒྱུ་ནི་འཁྲུལ་མེད་ཐིག་ལེ་བཟང་།། རིན་ཆེན་འབྱུང་ལྡན་ཟད་མེད་གཏེར།། སེམས་ཅན་ཀུན་གྱི་རང་རྒྱུད
298b3 ལ།། སངས་རྒྱས་ཀུན་གྱི་སྤྱན་གནས་པ།། སྤྱན་ནི་སྒྲོན་མ་འགག་མེད་སྤྱན།། དོན་ཡོད་གྲུབ་པ་རྟོག་མེད་ལམ།། སེམས་ཅན་ཀུན་ལ་གནས་པའོ།། ཨེ་མ་ཧོ།། སངས་རྒྱས་དགོངས་པ་ཟབ་མོ་འདི།། ཡང་དག་ཆོས
298b4 ཉིད་རྟོག་མེད་ལམ།། འབྱུང་བ་ལྔ་ཡི་དྲི་མ་བསལ།། རྣམ་རྟོག་བག་ཆགས་འབྱུང་མི་སྲིད།། འབྱུང་བ་ལྔ་ཡི་ཕྲ་རགས་ཀྱིས།། ཡེ་ཤེས་ལྔ་ཡི་རང་གདངས་བསྒྲིབས།། མ་རིག་ཉོན་མོངས་རྩ་བ་ཡིས།། རིག་པའི་ཡེ
298b5 ཤེས་མེ་ཏོག་བསྒྲིབས།། དྲི་མ་ལྔ་ཡི་ཀློང་དཀྱིལ་དུ།། སྟོང་པ་ཉིད་ཀྱི་ཡེ་ཤེས་བསྒྲིབས།། སྣང་བའི་ཡེ་ཤེས་ངང་གིས་གསལ།། འབྱུང་བ་ལྔ་ཡི་ཡེ་ཤེས་ལ།། རྣམ་དག་སྟོང་པའི་ཡེ་གདངས་གནས།། སྣང་བའི་ཕྱོགས
298b6 ཀྱིས་མ་བསྒྲིབས་པར།། རང་འོད་གསལ་ན་རྟོགས་པའི་མཆོག། མཚན་མའི་ཡུལ་ལ་མི་གནས་ན།། ཡང་དག་ཀུན་ཏུ་བཟང་པོའི་ཐུགས།། རང་གི་རྒྱུད་ལ་སྐྱེས་པ་ཡིན།། རིག་པའི་ཡེ་ཤེས་རང་བྱུང་ལ།། ཆད་པའི
iiif viewer powered by OpenSeadragon
