| e-texts navigator |
| Wylie |
298a1 ནས་ཡང་རིགས་བཞི་ལ་གནས་པའི་སངས་རྒྱས་རྣམས་ཀྱིས། བཅོམ་ལྡན་འདས་དཔལ་ཀུན་ཏུ་བཟང་པོ་ལ་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་རིག་པའི་ངང་།། ཡང་དག་དོན་གྱི་གཏན
298a2 ཚིགས་རྣམས།། མོས་པའི་འཁོར་ལ་གསུང་དུ་གསོལ།། ཞེས་ཞུ་བ་ཞུས་སོ།། དེ་ནས་ཡང་རང་རིག་སྟོབས་ཀྱི་ལྷས་བཀའ་སྩལ་པ།། ཀྱེ་མ་རིགས་བཞིའི་ཡེ་ཤེས་བཞི།། ང་ཡི་དགོངས་པ་རང་གནས་ཉིད།། ཁྱེད་ལ
298a3 རྒྱས་པར་བསྟན་པར་བྱ།། མ་ཡེངས་ཚུལ་གྱིས་གུས་པས་ཉོན།། སྣ་ཚོགས་སེམས་ཀྱི་རྟོག་པ་སོལ།། ཡང་དག་དོན་གྱི་གཏན་ཚིགས་ནི། ཁམས་གསུམ་སེམས་ཅན་ཐམས་ཅད་ལ།། རང་རང་སྙིང་གི་དཀྱིལ་ན
298a4 གནས།། སྙིང་པོ་ཡེ་ཤེས་སུམ་བརྩེགས་ཏེ།། དེ་ཡང་ངོ་བོ་སྒྲིབ་མེད་དེ།། སེམས་ཅན་རབ་རིབ་བློ་ཡིས་བསྒྲིབས།། དེ་ཡང་བློ་ལ་སྣང་ལུགས་དང་།། རྟོགས་པའི་དུས་ན་འཆར་ལུགས་སོ།། བློ་ཡི་ཡུལ་ལ་འཛིན་པ
298a5 སྟེ།། རྟོགས་པའི་དུས་ན་རང་སྣང་ངོ་།། སངས་རྒྱས་ཡེ་ཤེས་སེམས་དཔའ་ཡིས།། རང་གི་ལུས་ལ་རྫོགས་པར་བཤད།། སྣ་ཚོགས་བློ་ཡི་ཐེ་ཚོམ་རྣམས།། བསལ་ཕྱིར་རྒྱུད་འདི་བཤད་པ་ཡིན།། སེམས་ཅན་ཀུན་གྱི
298a6 རང་ལུས་ལ།། སངས་རྒྱས་ཀུན་གྱི་སྐུ་གནས་པ།། སྐུ་ནི་དྲི་མེད་འོད་ཀྱི་སྐུ།། རྣམ་པར་སྣང་མཛད་ཆོས་དབྱིངས་བདག། སངས་རྒྱས་ཀུན་གྱི་རང་བཞིན་ཡིན།། སེམས་ཅན་ཀུན་གྱི་རང་རྒྱུད་ལ།། སངས་རྒྱས་ཀུན་གྱི
iiif viewer powered by OpenSeadragon
