| e-texts navigator |
| Wylie |
294a1 གཅིག་ན། @#རིག་པའི་ཡེ་ཤེས། བཀོད་པ་རིན་པོ་ཆེའི་གཞལ་ཡས་ཁང་ན་འགྱུར་བ་མེད་པ་རང་བཞིན་གྱིས་རྣམ་པར་དག་པའི་སྐུ་ལྔ་དང་ཐབས་ཅིག་ཏུ་བཞུགས་སོ།། དེ་ནས་བཅོན་ལྡན་འདས་དཔལ
294a2 ཀུན་ཏུ་བཟང་པོ། ཆོས་ཉིད་མངོན་པར་སྣང་བའི་ཏིང་ངེ་འཛིན་ལས་བཞེངས་ཏེ། དགོངས་པ་རང་གནས་ཡེ་ཤེས་ཚིག་ཆོད་ཀྱི་ལྟ་བ་འདི་གསུངས་སོ།། ཨེ་མ་ཧོ།། ངོ་མཚར་ཆེ་བའི་ལྟ་བ། རང་རིག་པའི་ཡེ་ཤེས
294a3 ཀུན་ཏུ་བཟང་པོ། ཆོས་ཉིད་གདོད་མའི་དབྱིངས་ལས་མ་གཡོས་པའི་ཚིག་ཆོད་བལྟ་བ་ངས་བསྟན་གྱིས་རྡོ་རྗེ་སེམས་དཔའ་ལ་སོགས་པའི་འཁོར་རྣམས་ཉོན་ཅིག། བལྟ་བ་རང་སྣང་གི་ཡེ་ཤེས་ངོས་གཟུང་གི་མཐའ
294a4 ལས་འདས་ཀྱང་། ཐུགས་རྗེ་རང་སྣང་གི་རོལ་པ་མ་འགག་པས། ཡེ་ནས་བལྟ་བ་རང་བྱུང་གི་ཡེ་ཤེས་ལ་འགགས་པ་མེད་དོ།། དགོངས་པར་རང་གནས་གྱི་ཡེ་ཤེས་ལ་རྟོགས་མཐའ་མེད་དོ།། ཨེ་མ་ཧོ།། རིགས་ཀྱི
294a5 བུ་ཡང་དག་པར་རྫོགས་པའི་སངས་རྒྱས་ཀྱི་དགོངས་པ་མ་ནོར་བར་བསྟན་ན།། དགོངས་པ་ཡེ་ཤེས་ཆེན་པོ་ལྔས། ཡེ་ཤེས་ཀྱི་དོན་མ་འགགས་པར་གསལ་ཏེ། དེ་ཡང་དགོངས་པ་ལྔ་གང་ཞེ་ན། རི་བོ་སྤྱི་བཅིངས་ཀྱི
294a6 དགོངས་པས་བལྟ་བ་ལ་ལ་བཟླ་བར་བྱའོ།། ཡེ་ཤེས་སྤྱི་བླུགས་ཀྱི་དགོངས་པས་ས་གཟུང་བར་བྱའོ།། ཐིག་ལེ་མཐོང་བརྟོལ་གྱི་དགོངས་པས་སྣང་བ་འཆར་ཚུལ་བརྟག་པར་བྱའོ།། ཉི་ཟླ་ཁང་མཉམ་པའི་དགོངས
iiif viewer powered by OpenSeadragon
