| e-texts navigator |
| Wylie |
261b1 པོ་བསྒྱུར་དུ་བཏུབ་པ་མིན།། དེ་ལས་གོམས་པའི་གདེངས་རྙེད་ནས།། བར་སྣང་འཇའ་ཚོན་ཅི་བཞིན་དུ།། ཁ་དོག་མ་འདྲེས་ཡོངས་སུ་རྫོགས།། དེ་ནས་ཡང་གཅིག་གོམས་སྟོབས་ཀྱིས།། དེ་ཡི་རྟགས་དང་ལྡན་པ
261b2 ལ།། བར་སྣང་ཁམས་ཀྱང་དེ་བཞིན་ནོ།། རྒྱུད་འདི་འཛིན་པར་སུས་འདོད་པ།། འདི་ནི་དམ་པ་སྐལ་ལྡན་པས།། རྒྱུད་འདི་སོ་སོར་བཟུང་བ་ཡིས།། ཡོན་ཏན་བསམ་མེད་ཆེན་པོར་ཐོབ།། རྒྱུད་ཀྱི་མཚན་ཉིད་རྣམ
261b3 གསུམ་སྟེ།། དེ་ཡི་ངོ་བོར་སྦྱོར་ཤེས་བྱ།། ཇི་ལྟར་རྒྱུད་ཀྱི་མཚན་ཉིད་ཀྱིས།། རང་གི་ངོ་བོ་རྟོགས་པའོ།། ཞེས་སྒྲོན་མ་འབར་བའི་རྒྱུད་ལས། དབྱིངས་རྣམ་པར་དག་པའི་སྒྲོན་མ་བསྟན་པའི་ལེའུ་སྟེ་བཞི
261b4 པའོ།། །། དེ་སྐད་སྟོན་པས་གསུངས་པ་ཡིས།། རྒྱུད་དག་རྡོ་རྗེ་འཆང་ལ་སོགས།། དགའ་ཞིང་མགུ་བའི་སེམས་སྐྱེས་ནས།། དེ་ཉིད་གསུངས་ལ་མངོན་པར་བསྟོད།། གསེར་གྱི་མེ་ཏོག་མཛེས་པ་རིན་པོ་ཆེ
261b5 སྒྲོན་མ་འབར་བའི་རྒྱུད་ཅེས་བྱ་བ། འབུམ་ཕྲག་དྲུག་ཅུ་རྩ་བཞིའི་བཅུད་ཕྱུང་བ་རྫོགས་སོ།། སྨེ།། རྒྱ་རྒྱ་རྒྱ།། རྒྱ་གར་གྱི་མཁན་པོ་བི་མ་ལ་མི་ཏྲ་དང་། ལོ་སྣ་བ་སྐབ་དཔལ་བརྩེགས་གཉིས་ཀྱིས་བསྒྱུར་ཅིང་ཞུས་ཏེ
261b6 གཏན་ལ་ཕབ་པའོ།། དཔལ་སྔགས་ཀྱི་སྲུང་མ་ལྕམ་དྲལ་གྱིས།། རྒྱལ་བའི་བཀའ་འདི་སྲུངས་ཤིག། དཔལ་ལྡན་ཞྭའི་མགོན་པོ་དང་། དམ་ཚིག་གི་བདག་པོ་རྣམས་ཀྱིས། དམ་མེད་སྡིག་ཅན་གྱི་སྲོག་རྩ་ཆོད
iiif viewer powered by OpenSeadragon
