| e-texts navigator |
| Wylie |
261a1 ནི།། ཐབས་དང་ཤེས་རབ་རང་བཞིན་ལས།། གཉིས་ནི་འཁྲིལ་ཏེ་གཅིག་པར་ཡང་།། སོར་གཅིག་གིས་ནི་མ་རེག་པར།། ཉིན་དུས་འབྱུང་བའི་རྐྱེན་ལྡན་པས།། སྣང་བར་འགྱུར་ཏེ་མཚན་མོ
261a2 ཡང་།། མཐིང་ག་རང་ངོ་ཉིད་དུ་སྦྱར།། དབྱིངས་ཀྱི་རང་བཞིན་འོད་ཀྱི་ཁྱིམ།། འགྱུར་མེད་ཡེ་གདངས་ཆེན་པོར་ནི།། སངས་རྒྱས་སེམས་ཅན་ཐམས་ཅད་ལ།། སུས་ཀྱང་བྱས་པ་མེད་པར་ནི།། ཡེ་ནས་གཉིས་མེད
261a3 མཉམ་པར་གནས།། འདི་ནི་ཁྱབ་ཆེ་ཕྲ་བ་ལས།། རང་གི་ཤེས་པའི་ཆར་ཤར་ནས།། མངོན་སུམ་ཉིད་དེ་རབ་ཏུ་གསང་།། གསང་བ་ཆེན་པོ་འདི་ཉིད་ལ།། གང་སུ་སྤྱོད་པར་འདོད་པ་དེ།། ཡེ་སངས་ཉིད་ལ་ཡང
261a4 སངས་རྒྱས།། དངོས་པོའི་ཕྱོགས་ལ་བལྟས་ན་ནི།། གསལ་བྱེད་མཚན་མའི་ཆ་ལྟར་སྣང་།། སྟོང་པ་ཉིད་ལ་བལྟས་པ་ཡིས།། རང་གསལ་གཟུང་བའི་ཡུལ་མེད་པས།། སུས་ཀྱང་མི་ཟིན་སྟོང་པ་ཉིད།། འདི་ནི་གསལ
261a5 དང་སྟོང་པ་ནི།། ཡེ་ནས་ཁྱབ་ཅིང་གནས་པའོ།། རང་སྣང་སྟོང་ཉིད་གསལ་བའི་ཡུལ།། འདིས་ནི་དགོངས་པའི་ཚད་རྣམས་འཛིན།། རང་དག་ཆེན་པོ་ཉིད་དུ་བསྟན།། དུས་མེད་སྣང་བའི་མཁའ་ལ་ནི།། འགྱུར་མེད
261a6 དབྱིངས་སུ་ཐམས་ཅད་འདུས།། འདི་ལ་འབྱུང་རྐྱེན་ནམ་བྲལ་ན།། སངས་མ་རྒྱས་པ་གཅིག་ཀྱང་མེད།། འཁོར་བའི་སྣང་བ་མི་སྲིད་དོ།། དཔེར་ན་ཡི་གེའི་ན་རོ་བཞིན།། གཉིས་ཀྱིས་བཟུང་སྟེ་སྡོམ་གཅིག་པ།། ནག
iiif viewer powered by OpenSeadragon
