| e-texts navigator |
| Wylie |
260b1 གོམས་པར་བྱེད་པ་ཡི།། ཡན་ལག་ཏུ་ནི་ངས་བཤད་དོ།། མཐིང་ག་མི་འགྱུར་སྣང་བ་ལས།། ཁ་དོག་གསལ་བའི་འོད་ལྔར་ཡང་།། འདི་ཉིད་རབ་ཏུ་གསལ་འགྱུར་ཞིང་།། རང་གི་མདུན་གྱི་ཡར་མཚམས་སུ།། སོར
260b2 བཞི་འམ་ནི་མཐོ་གང་ལས།། འཕགས་ཏེ་ལུས་དང་བྲལ་བ་ན།། དེ་ཡི་ཚད་དུ་དེ་འགྱུར་རོ།། མིག་ནི་འབྱུང་བའི་རྐྱེན་མེད་ལ།། གནས་པས་རང་གི་རིག་པ་ཡང་།། ལུ་གུ་རྒྱུད་དུ་སྣང་བ་སྟེ།། སྤྲིན་བྲལ་མཁའ་ལ
260b3 འཛིན་པར་བྱེད།། རང་ཤེས་ནང་དུ་གསལ་བའི་ཚེ།། ཙིཏྟའི་ནང་དུ་གནས་པ་ཡིན།། ཕྱིར་འཕྲོས་སྤྲིན་བྲལ་ནམ་མཁའ་འོ།། མིག་གི་རྣམ་ཤེས་དག་པ་ལ།། གསལ་བྱེད་འབར་བའི་འོད་ཟེར་ལྡན།། མི་འགྱུར་ཁྱབ
260b4 པའི་ཚུལ་དུ་ཡང་།། མཐིང་གའི་རང་གདངས་ཆེན་པོར་གནས།། འཆར་བྱེད་སྣང་བ་མ་འགགས་པས།། ཕྱི་ཡི་ཡུལ་ལ་རྣམ་པར་སྣང་།། འདི་ནི་འཆར་སྒོ་མིག་ནས་ཀྱང་།། འགྱུར་མེད་ཁྱབ་པའི་ཚུལ་དུ་སྣང་།། འདི
260b5 ཡི་སྣང་བ་རང་དག་པས།། དབྱིངས་དང་རིག་པ་ཟུང་འཇུག་པར།། ཡེ་ཤེས་གནས་ཏེ་ཅོག་བཞག་གོ།། རང་ཤར་རང་གི་སྤྱོད་ཡུལ་ལོ།། སྣང་བ་མིག་དང་རང་འབྲེལ་པས།། དེ་ཉིད་རྐྱེན་བྲལ་ནམ་མཁའ་ཤར།། དེ
260b6 ལྟར་འཆར་སྒོ་མ་འགགས་པའོ།། འདི་ལྟར་གནད་གསུམ་མན་ངག་དང་།། སུ་ལ་འཛོམ་པའི་སྐྱེས་བུ་ནི།། དབྱིངས་ལ་གོམས་ཏེ་མངོན་དུའོ།། སྲིད་པ་ཡི་ནི་ཡར་མཚམས་ན།། འདི་ནི་གཉིས་འཇུག་བྱུང་ལས
iiif viewer powered by OpenSeadragon
