| e-texts navigator |
| Wylie |
260a1 ཡིན་ཏེ།། གཞི་ལ་གནས་པའི་དག་དབྱིངས་ཀྱི།། རིག་པའི་ཡེ་ཤེས་སྐུ་རུ་འཛིན།། ལམ་ལ་སྣང་བའི་དབྱིངས་ཀྱིས་ནི།། རིག་པའི་ཐིག་ལེ་དངས་མ་སྡུད།། ཡུལ་ལ་སྣང་བའི་དབྱིངས་ཀྱིས་ནི།། ལུ་གུ
260a2 རྒྱུད་དེ་བཙོན་དུ་འཛིན།། འདི་ཀུན་དེ་ཡི་དབྱེ་བའོ།། རང་བཞིན་སྣང་བ་མ་འགགས་པས།། བློ་དངོས་དྲན་པ་ཀུན་ཟད་དེ།། སྣང་བ་རང་དག་དབྱིངས་སུ་ནི།། རྟོག་པ་མེད་པའི་རིག་པ་ཡང་།། མི་གཡོ་མཉམ་པ་ཉིད
260a3 ཤེས་པས།། ཐམས་ཅད་མཉམ་པའི་དབྱིངས་སུ་ཡང་།། ཡེ་ནས་རྣམ་རྟོག་ཟད་པར་ནི།། རང་བཞིན་རྣམ་དག་དབྱིངས་སུ་གནས།། བརྗོད་ཅིང་སྣང་ཚིག་གཉིས་མེད་པས།། ཕྱི་དང་ནང་མེད་དབྱིངས་སུ་ཡང་།། རང
260a4 དལ་ཆེན་པོའི་ངང་དུ་གནས།། ཕྱི་ནང་མེད་པར་ཟང་ཐལ་བས།། མ་བསྒྲིབས་དྲི་མ་མེད་པར་ནི།། ཡེ་ནས་ཀ་དག་ཆེན་པོར་ཡང་།། རྣམ་པར་དག་པའི་དབྱིངས་ཀྱི་ནི།། མཚན་ཉིད་དུ་ནི་ཡེ་ནས་བཞུགས།། འདི་མེད
260a5 རིག་པའི་ཡུལ་མེད་པས།། སྣང་བ་འགག་པ་མེད་པ་ཡི།། ཆར་ནི་དབྱིངས་ཀྱི་སྒྲོན་མའོ།། འཁོར་འདས་རུ་ཤན་ཕྱེད་ནས་ནི།། ལུས་ངག་རྣམས་ནི་རྣལ་དུ་ཕབ།། དེ་ནས་དབྱིངས་རིག་སྣང་བ་བརྟགས།། འདི་ལ
260a6 གོམས་པའི་ཚད་རྙེད་ནས།། ཕྱི་རོལ་ཡུལ་གྱི་སྣང་བ་ནི།། གོང་ནས་གོང་དུ་ཡང་འཕེལ་བས།། རིམ་གྱིས་རང་གོམས་ཆེན་པོ་ཐོབ།། འདི་ལ་བརྟན་པའི་ཚད་རྙེད་ནས།། ཆོས་རྣམས་ཟད་པར་གྱུར་པ་ནི།། དེ་ཉིད
iiif viewer powered by OpenSeadragon
