| e-texts navigator |
| Wylie |
259b1 པ་ཇི་ལྟར་བགྱི།། དེ་ཡི་ཚད་ནི་གང་གིས་བཟུང་།། འདི་ཡི་གནས་ནི་གང་ན་གནས།། དེ་བཞིན་སྒོ་ནི་གང་ནས་འཆར།། དེ་ཉིད་དངོས་ནི་ཇི་ལྟ་བུ།། མཐུན་དཔེ་གང་གིས་བགྱིད་ལགས་སོ།། འདི་ཀུན་བདག་གིས
259b2 སྔར་འཚལ་ཀྱང་།། མ་འོངས་སེམས་ཅན་དོན་དུ་ཡང་།། རྡོ་རྗེ་འཆང་ལ་བདག་ཉན་འཚལ།། དེ་ནས་རྡོ་རྗེ་འཆང་ཆེན་གྱིས།། འདི་སྐད་ཚིག་ཏུ་བཀའ་སྩལ་ཏོ།། ཉོན་གཅིག་རྒྱུད་དག་རྡོ་རྗེ་འཆང་།། ངས་བསྟན་པ་ལ
259b3 ནོར་བ་མེད།། ཁྱོད་ཀྱིས་ནོར་མེད་སེམས་ལ་ཟུང་།། རྣམ་དག་དབྱིངས་ཀྱི་སྒྲོན་མས་ནི།། རིག་པ་ཡི་ནི་ངོ་བོར་སྡུད།། ལུ་གུ་རྒྱུད་ཀྱི་ར་བར་སྣང་།། འདི་ལ་སུས་གོམས་དོན་དེ་ཉིད།། མཐིང་ག་མི་འགྱུར་གསལ་བ
259b4 ལ།། མུ་ཁྱུད་ཀྱི་ནི་ར་བར་གནས།། རང་གསལ་ཕྱི་ཡི་ཡུལ་དུ་སྣང་།། ངོ་བོ་ཉིད་ནི་མ་བཅོས་པའོ།། དབྱིངས་ཀྱིས་རིག་པའི་རང་ཡུལ་བྱེད།། རྡོ་རྗེ་ཉིད་ནི་ལུ་གུ་རྒྱུད།། འདི་ཉིད་ནང་དུ་འཇུག་པར་བྱ།། རང་གི་ངོ་བོ
259b5 རྟོག་མེད་དུ།། ནང་གི་དབྱིངས་ཀྱི་གོ་རར་ཡང་།། མ་བཟུང་མི་གནས་ཚུལ་གྱིས་ནི།། འབྲལ་བ་མེད་པར་རྒྱུན་དུ་གནས།། རྣམ་པ་ཡུལ་དུ་སྣང་བ་ལ།། དག་པ་དྲི་མའི་གྲངས་མཐའ་ཟད།། སྒྲོན་མ་རྡོ་རྗེ་ལུ་གུ
259b6 རྒྱུད།། ནམ་མཁའ་ཉིད་ལ་ཅེར་བཏོན་ཏེ།། རང་བཞིན་མེད་པར་སྣང་བར་བྱེད།། མས་ནི་དེ་ཡི་དོན་གཟིགས་པས།། རང་བཞིན་ཉིད་ཀྱི་ངེས་ཚིག་ཏུ།། ཡེ་ནས་འདུ་འབྲལ་མེད་པར་གནས།། དབྱེ་བ་རྣམ་པ་གསུམ
iiif viewer powered by OpenSeadragon
