| e-texts navigator |
| Wylie |
258b1 གསལ་ཤེས་པའི་ཐོག་མར་ནི།། ཡེ་ནས་རང་གི་མཚན་ཉིད་དུ།། ཐོག་མའི་ཀ་དག་ཆེན་པོའི་ལས།། རང་བཞིན་ཉིད་ནི་འདི་ལྟ་བུ།། སུས་ཀྱང་མ་བྱས་རང་གསལ་བར།། ཡེ་ཉིད་ནས་ནི་རང་བཞིན་ནོ།། བར་སྣང
258b2 ཉིད་ནི་སྟོང་པ་ལས།། སྣང་བ་རང་ངོ་མ་འགགས་པས།། རང་བྱུང་ཐིག་ལེ་ཆེན་པོར་གནས།། བརྗོད་མེད་རང་གནས་ངོ་བོར་ཡང་།། ཡེ་ནས་ནམ་མཁའི་ཁམས་སུ་སྣང་།། ཐིག་ལེ་སྒྲོ་དང་བསྡུ་མེད་པར།། བར་སྣང
258b3 ཉིད་དུ་སུས་ཟིན་པས།། དེ་ཡི་ཚད་དུ་དེ་འགྱུར་ཏེ།། རྩོལ་མེད་གྲོལ་བའི་རྟགས་སུ་སྣང་།། རྩོལ་བཅས་ལ་ནི་ཚད་མེད་དོ།། འོད་ལྔ་འདུས་པའི་ཐིག་ལེ་ནི།། ལྷ་རྣམས་ལ་ནི་རང་མཐོ་གང་།། ཟླུམ་པོ་རང་གསལ་ཆེན
258b4 པོར་ཡོད།། ལྷ་མིན་རང་གི་ཆག་གང་ཡོད།། མི་རྣམས་རང་གི་མཐེབ་གང་ངོ་།། ཟླུམ་པོ་ཟག་པ་མེད་པར་ཡོད།། བྱོལ་སོང་ལ་ནི་ཕྱིར་མི་སྣང་།། ཡི་དྭགས་རང་ངོ་ཕྲ་བར་ཡོད།། དམྱལ་བ་རྣམས་ལ་རང་གསལ
258b5 ཙམ།། ལྷ་ལ་དཀར་པོ་ཤས་ཆེར་སྣང་།། ལྷ་མིན་དེ་བཞིན་ལྡང་གི་ཆེ།། མི་ལ་དམར་གསལ་རང་ཆགས་བྲལ།། བྱོལ་སོང་ཉིད་ལ་མཐིང་ཤས་ཆེ།། ཡི་དྭགས་སེར་པོ་དེ་བཞིན་ནོ།། དམྱལ་བ་རྣམས་ལ་ཁ་དོག
258b6 ལྔ།། རང་གསལ་ཤེས་པའི་ཆར་གནས་པ།། སྒྲོན་མ་དངོས་ནི་དེ་བཞིན་ནོ།། རང་གི་མཐེབ་དང་མཛུབ་མོ་ཡིས།། ཙཀྵུའི་ཕུགས་དང་འགྲམ་བཙིར་ན།། མངོན་དུ་སྣང་སྟེ་ཡིད་ཆེས་ཀྱིས།། གོམས་པར་གྱུར་པའི
iiif viewer powered by OpenSeadragon
