| e-texts navigator |
| Wylie |
258a1 ཕྲག་གྲངས་མང་ཡང་།། ཁྱད་པར་ཆེན་པོའི་རྩ་བཞི་ལས།། ཀ་ཏི་གསེར་གྱི་རྩ་ཆེན་དང་།། དར་དཀར་སྣལ་མ་ལྟ་བུ་ནི།། ཕྲ་ལ་འཁྲིལ་དང་ཤེལ་སྤུག་ཅན།། འདི་བཞིའི་ནང་དུ་ཁྱད་པར་ནི།། གནས
258a2 ཤིང་རླུང་གི་རྟ་ལ་ཞོན།། འབྱུང་དང་འཇུག་དང་རང་ཤར་དང་།། སྣང་བ་ཡི་ནི་བདག་ཉིད་དུ།། ཡེ་ནས་སྤྲོས་པ་མེད་པར་ཡང་།། གཞི་ཡི་ཐིག་ལེ་བཟང་པོ་དང་།། ལམ་གྱི་ཐིག་ལེ་དེ་བཞིན་བཟང་།། བཟང་པོ་རྣམས
258a3 ཀྱི་རྩེ་མོ་དང་།། བཟང་པོའི་རྒྱན་དང་ལྡན་པར་ཡང་།། རྩ་རྣམས་ཀྱི་ནི་ནང་ན་གནས།། འདི་ཀུན་རྟགས་ཀྱི་རང་བཞིན་དུ།། ལུས་གནས་རྩ་ཡི་ནང་ན་ཡང་།། སེམས་ཅན་གྱི་ཡང་ལུས་རྟེན་དུ།། ཐོག་མ་ནས་ནི་གནས
258a4 པ་ཡི།། སྣང་བ་ཡི་ནི་འཆར་བྱེད་ལ།། རྐྱེན་གྱིས་མ་བསྒྲིབས་སེམས་ཅན་མིག། ཙཀྵུ་དཀར་འཇམ་ཞེས་པའི་སྒོ་ནས་ནི།། ཉི་མའི་དཀྱིལ་འཁོར་བཞིན་དུ་ཡང་།། རང་གི་འོད་ཟེར་ཉིད་དུ་ཡང་།། རང་ཆས་རྣམས་སུ་རྣམ
258a5 པར་སྣང་།། འཆར་བྱེད་འབྱུང་ཚུལ་མ་འགགས་པས།། དབང་པོ་རྣམས་དང་འབྲེལ་བའི་ཚུལ།། སྣང་བའི་ཡུལ་དུ་གསལ་བར་ཡང་།། ཀུན་གྱིས་མིག་ནས་འཆར་བའོ།། སྟོང་པ་ཉིད་ལ་རང་ལོག་པ།། མྱོང་བྱེད
258a6 གསལ་བའི་སྣང་བར་ནི།། ཡེ་གདངས་ལྔ་དང་བཅས་པར་ཡང་།། རང་བཞིན་བབ་ཀྱིས་གནས་པ་ལ།། གསལ་བྱེད་རྣམས་ཀྱི་ངོ་བོར་ཡང་།། དངོས་པོ་ལས་ནི་ལོག་པར་ཞུགས།། སྟོང་པ་ཉིད་དུ་མ་ཡིན་ཏེ།། རང
iiif viewer powered by OpenSeadragon
