| e-texts navigator |
| Wylie |
257b1 བཟླུམ།། དོན་དམ་སྤྲོས་མེད་ཐིག་ལེ་ཡིས།། དབྱིངས་དང་རིག་པ་གཅིག་ཏུ་བཟླུམ།། རང་བྱུང་འབྲས་བུའི་ཐིག་ལེ་ཡིས།། སངས་རྒྱས་ཀུན་གྱི་དགོངས་པ་ནི།། མཐའ་བྲལ་ལྷུན་གྲུབ་རྫོགས་པའི་ངང་།། རྩོལ་བསྒྲུབ
257b2 བྲལ་བའི་དབྱིངས་སུ་བཟླུམ།། འདི་ཀུན་དེ་ཡི་དབྱེ་བས་ན།། མི་འགྱུར་ཐིག་ལེ་སྟོང་པ་ལས།། སྣང་བའི་ཡུལ་ལ་རྣམ་པ་ལྔ།། ཅིག་ཆར་བཟླུམ་པའི་གནས་ན་གསལ།། གསལ་བ་འདི་ལ་ནུབ་པ་མེད།། ཡེ་ནས་རང
257b3 བྱུང་ཆེན་པོའི་ཚིག། འདི་ཀུན་སྤྲོས་མེད་གཅིག་ཏུ་གནས།། དེ་ཉིད་མཐོང་བ་དེ་རང་ཉིད།། གཞན་ནས་བཙལ་བའི་གནས་མེད་དོ།། རང་གནས་དགོངས་པ་གཅིག་ཡིན་པས།། ཐ་སྙད་རྣམས་ཀྱི་གྲངས་ཟད
257b4 དེ།། གཉིས་སུ་འཛིན་པའི་ཞེན་པ་བྲལ།། འདི་ལ་གཉིས་སུ་ག་ལ་སྲིད།། རང་གི་མཚན་ཉིད་ངོ་བོ་སྟོང་།། རང་གིས་མངོན་པར་ཞེན་པ་འགག། རང་བཞིན་མི་འགྱུར་རྟོག་མེད་དབ།། མ་བསྒོམས་པ་དང་མཚམས
257b5 མེད་པར།། ཐིག་ལེ་ཟླ་དང་བྲལ་བ་ཡི།། རང་གནས་ཆེན་པོའི་དགོངས་པ་ལ།། བྱ་བྱེད་བྲལ་བར་རྒྱུན་དུ་གནས།། མཚན་ཉིད་སྟོང་པ་གསལ་བས་ཁྱབ།། རང་ངོ་ལུས་ཀྱི་མཐའ་རྣམས་ཟད།། མདོར་ན་བདག་འཛིན
257b6 ཡུལ་ལས་གྲོལ།། སྟོང་པ་ཆེན་པོའི་ཡེ་གདངས་ལས།། རང་གནས་སུས་ཀྱང་བྱས་མེད་པར།། ཡེ་ནས་མཉམ་པ་ཆེན་པོར་གནས།། སེམས་ཅན་ཀུན་གྱི་ལུས་ཀྱི་དཀྱིལ།། ཙིཏྟ་རིན་ཆེན་གཞལ་ཡས་ཁང་།། རྩ་ནི་སྟོང
iiif viewer powered by OpenSeadragon
