| e-texts navigator |
| Wylie |
257a1 འཇིག་དང་བྲལ།། ཆོས་ཉིད་མ་ཡེངས་རང་ཤར་ཉིད།། མ་འགགས་མ་གྲུབ་མཚན་ཉིད་བྲལ།། མ་བསྐུར་རང་དབང་བཞི་རྫོགས་ཕྱིར།། དམར་པོར་རང་གསལ་ཡེ་ནས་སྟོང་།། དྲི་མ་མེད་ཅིང་ཀ་དག
257a2 པས།། བདག་འཆིང་ཉོན་མོངས་རྣམས་དང་བྲལ།། རང་གིས་རང་གསལ་དངོས་པོས་སྟོང་།། འདི་ནི་དེ་ཡི་ངོ་བོར་འདོད།། ཐིག་ནི་མི་འགྱུར་དྲང་པོ་ལ།། ཡེ་ནས་བཅོས་པ་ཉིད་དང་བྲལ།། ལེ་ནི་གདལ་བ་ཆེན་པོ
257a3 ལ།། སྣང་བ་རྣམས་ནི་རང་སར་རྫོགས།། སྟོང་པ་དངོས་པོའི་འཛིན་པ་ནི།། ཡུལ་ལ་ཞེན་པའི་བློ་རྣམས་བཀག། རང་བཞིན་སྟོང་པ་ཆེན་པོ་ཡི།། གསལ་ལ་རང་བཞིན་བློ་མི་སྣང་།། སྒྲོན་མས་འོད་ལྔར་སྣང་བ
257a4 ནི།། བྱས་ཏེ་རང་ངོ་གསལ་རིག་བཅས།། འདི་རྣམས་ངེས་པའི་ཚིག་ཡིན་ནོ།། ཆོས་ཉིད་སྟོང་པ་མ་བཅོས་པ།། ལྷུན་གྲུབ་ཆེན་པོར་ཡེ་ནས་གནས།། ཐམས་ཅད་མ་སྤངས་རང་ཤར་ཉིད།། རྒྱ་ཆད་ཕྱོགས་ལྷུང་ཡེ་ནས
257a5 མེད།། རང་ཤར་རང་གྲོལ་རྫོགས་པའི་ཀློང་།། སེམས་ཅན་སངས་རྒྱས་གཉིས་མེད་རྫོགས།། དབྱེ་བ་ཉིད་ནི་རྣམ་པ་ལྔ།། གཞི་གནས་རང་རིག་ཐིག་ལེ་ཡིས།། སྣང་སྲིད་འཁོར་འདས་གཅིག་ཏུ་བཟླུམ།། ལུས་གནས
257a6 རྩ་ཡི་ཐིག་ལེ་ཡིས།། བདེ་དང་སྡུག་བསྔལ་གཅིག་ཏུ་བཟླུམ།། ཀུན་རྫོབ་རྒྱུ་ཡི་ཐིག་ལེ་ཡིས།། ཕུང་སེམས་བསྐྱེད་པའི་རྒྱུ་ཡིན་ཏེ།། ཕུང་པོ་ཁམས་སོགས་ཆོས་རྣམས་ཀུན།། བྱ་བྲལ་རྫོགས་པ་ཆེན་པོར
iiif viewer powered by OpenSeadragon
