| e-texts navigator |
| Wylie |
256b1 རྗེས་སྙིང་ནས་བཟུང་བའི་ཕྱིར།། ཤེས་རབ་སྒྲོན་མ་དེ་ལྟར་ན།། ཐིག་ལེ་སྟོང་པའི་སྒྲོན་མ་ཉིད།། སྟོན་པས་གོང་དུ་ཚིག་གསུངས་པ།། འདི་ཡི་ངོ་བོ་ཇི་ལྟ་བུ།། ངེས་པའི་ཚིག་ནི་གང་རྣམས་ལགས།། དེ་བཞིན་དབྱེ་བ
256b2 དུ་ཙམ་མཆིས།། མཚན་ཉིད་དགོངས་པ་ཅི་ཞིག་ཡོད།། འདི་ཡི་གནས་ནི་གང་ན་གནས།། འཆར་བར་བྱེད་པའི་སྒོ་དེ་གང་།། དེ་ལ་རང་བཞིན་ཇི་ལྟ་བུ།། ཡུལ་ནི་ཇི་ལྟར་སྣང་བ་ལགས།། དེ་ཀུན་ཚད་ནི་གང་གིས
256b3 བཟུང་།། འདི་ཉིད་དངོས་ནི་གང་ཞིག་ལགས།། དེ་ཡི་ཐབས་ཀྱི་མན་ངག་ཅི།། དེ་ལ་མཐུན་དཔེ་ཇི་ལྟར་ལགས།། འདི་ཀུན་སེམས་ཅན་ཀུན་དོན་དུ།། རྡོ་རྗེ་འཆང་ལ་བདག་ཉན་འཚལ།། དེ་ནས་རྡོ་རྗེ་འཆང་བ
256b4 ཡིས།། རང་བཞིན་དག་པ་ཆེན་པོ་དེས།། འདི་སྐད་ཚིག་ཏུ་ཡང་གསུངས་སོ།། ཀྱེ་མ་རྒྱུད་དག་རྡོ་རྗེ་འཆང་།། ཁྱོད་ཀྱིས་ཞུས་པ་དེ་ལགས་སོ།། ང་ཡིས་ཁྱོད་ལ་བསྟན་པར་བྱ།། འདི་ལྟར་མ་འོངས་དོན་དུ་ཡང་།། ངས
256b5 བསྟན་ཁྱོད་ཀྱིས་ཚིག་འདི་ཟུང་།། ཐིག་ལེ་སྟོང་པའི་སྒྲོན་མ་ནི།། ཆོས་རྣམས་ཀུན་གྱི་ཡིད་ཆེས་པ།། འདི་ཉིད་སུ་ཡིས་ཤེས་པ་དེ།། ཐིག་ལེ་སྐུ་ལ་ལོངས་སྤྱོད་དེ།། གོམས་པ་རྣམས་ཀྱི་སྤྱོད་ཡུལ་ལོ།། དེ་ཕྱིར་འདི་ཡི།
256b6 ངོ་བོ་ནི།། ཉག་གཅིག་ཆ་ཕྲ་སྤྲོས་དང་བྲལ།། སྟོང་པའི་མུན་འབྲལ་རང་གསལ་ཆེ།། རང་བཞིན་རང་གསལ་མཉམ་པ་མེད།། མི་རྟོག་སྤྲོས་བྲལ་ཟླུམ་པོར་གནས།། མ་སྐྱེས་ཆོས་ཉིད་སྟོང་པ་ཉིད།། མི་སྐྱེ་རྫས་མེད
iiif viewer powered by OpenSeadragon
