| e-texts navigator |
| Wylie |
256a1 ཤེས་ཀྱིས།། འཁོར་འདས་གཏན་ལ་ཕེབས་པ་ནི།། སོ་སོར་རྟོགས་པའི་ཤེས་རབ་པོ།། འཇུག་བྱེད་རྣམ་གསུམ་ཤེས་རབ་ཚད།། ཆོས་ཀུན་ཚིག་གཅིག་སྨོས་པས་ནི།། དེ་ཡི་གཞུང་ཀུན་ཤེས་པ
256a2 ནི།། ཐོས་པའི་ཤེས་རབ་ཚད་དུ་ཕྱིན།། ཤེས་པས་གང་ལ་བསམ་པ་ཡིས།། ཟུངས་དེ་རྒྱུད་ལ་བདེར་ཤར་ན།། བསམ་པ་ཡང་ནི་དེ་བཞིན་འབྱོངས།། གང་བྱུང་རྐྱེན་གྱིས་མི་གནོད་པར།། འཁྲུལ་རྟོག་ཞེན་པ་རང
256a3 འགག་པ།། འདིས་ནི་བསྒོམ་པའི་ཤེས་རབ་རྙེད།། དཔེར་ན་སྨྲ་བ་རླན་མེད་ལ།། མེ་སྟག་ཕྲ་བ་ཉིད་ཕྲད་ཀྱང་།། སྨྲ་བ་ཀུན་མཆེད་མེས་བསྲེགས་བཞིན།། ཤེས་རབ་ཀྱིས་ནི་བག་ཆགས་བསྲེགས།། འདི་ཀུན་ཤེས
256a4 རབ་སྒྲོན་མའོ།། ཞེས་སྒྲོན་མ་འབར་བའི་རྒྱུད་ལས།། ཤེས་རབ་རང་བྱུང་གི་སྒྲོན་མ་བསྟན་པའི་ལེའུ་སྟེ་གཉིས་པའོ།། །། ཥྛ་ཨཻབྷཔྲཱ་ཎ་ཎཿ། དེ་ནས་རྒྱུ་ཡི་རྡོ་རྗེ་འཆང་།། རང་གིས་ཡིད་ཆེས་ཚིག་ཤར་ནས།། མི་རྟོག
256a5 ཉམམ་པ་ཆེན་པོར་གྱུར།། ཤེས་རབ་ཆེན་པོ་རང་ཤར་ནས།། ཆོས་ཀུན་རོ་གཅིག་རྩད་ནས་ཆོད།། དངོས་བྲལ་སྟོང་པའི་ཡུལ་རྙེད་ནས།། མ་འོངས་སེམས་ཅན་ཀུན་དོན་དུ།། རྡོ་རྗེ་འཆང་ལ་འདི་སྐད་གསོལ།། ཀྱེ་ཀྱེ
256a6 སངས་རྒྱས་རྡོ་རྗེ་འཆང་།། བདག་ཉིད་ཆོས་ཀུན་རང་གསལ་བས།། དྲི་མ་མེད་པའི་མིག་རྙེད་ནས།། སྤྲོས་བྲལ་ཀ་དག་ཆེན་པོ་ཡི།། ཆོས་ཀུན་རྩད་ནས་འདིར་ཆོད་དེ།། མ་འོངས་སེམས་ཅན་ཐམས་ཅད་ལ།། སྙིང
iiif viewer powered by OpenSeadragon
