| e-texts navigator |
| Wylie |
255a1 འཁོར།། དངས་མ་ཤེས་པའི་བཅུད་རྣམས་ནི།། མེ་སྟག་ཡར་བའི་མཚན་ཉིད་དུའང་།། ལྔ་བཞི་ལས་ཀྱི་རླུང་དང་བཅས།། ཤེས་པ་གསལ་གསལ་རིག་རིག་པོ།། ཤེས་རབ་རྣམས་ཀྱི་རང་བཞིན
255a2 དུ།། རོ་མ་རྐྱང་མ་ཀུན་འདར་མ།། ཤེལ་སྤུག་ཁོག་པ་སྟོང་པའི་ནང་།། གསལ་བ་ཤེས་རབ་ཆེན་པོར་བཞུགས།། མིང་བཞི་འདུས་པའི་ཡེ་གདངས་སུ།། ཐམས་ཅད་འབྱེད་པའི་ངོ་བོར་ནི།། ཡེ་ནས་ལུས་ཀྱི་ཆ་ལ
255a3 གནས།། སྐབས་སུ་རླུང་གིས་རང་བཟུང་བས།། ཤེས་པ་དྲན་མེད་རྨུགས་པ་ཡང་།། ཤེས་རབ་རྩལ་རྣམས་རྒྱས་འཐུམས་པས།། གསལ་བའི་ཆ་མེད་རྨུགས་པར་འགྱུར།། རླུང་གིས་ཤེས་རབ་རྩལ་བསྐྱོད་ཚེ།། སྔོན
255a4 ཐོས་པའི་ཆོས་རྣམས་ཀྱང་།། ཡིད་ལ་དྲན་ཞིང་གསལ་བར་འཆར།། གསལ་དང་མི་གསལ་རྩལ་རྣམས་ནི།། རླུང་གི་གཡོ་འགུལ་ཉིད་ལས་བྱུང་།། ལུས་དཀྱིལ་རྩ་ནང་གནས་པའོ།། གཞི་གནས་ཤེས་རབ་རང་བྱུང
255a5 ཚད།། ཆོས་ཀུན་མཉམ་པའི་ཉམས་སྐྱེས་ནས།། ཤེས་པ་བརྟན་པའི་གདེངས་རྙེད་ཡིན།། དེ་ཉིད་འགྱུར་བ་མ་ཡིན་པར།། རྟག་ཏུ་རྒྱུད་ལ་གནས་པས་ན།། འདིས་ནི་གཞི་གནས་ཤེས་རབ་ཟིན།། འདི་ཡི་ལུས་ཀྱང
255a6 ཡང་བ་དང་།། ཤེས་པ་རྣམས་ནི་གསལ་བའོ།། སྣང་བ་ཅེར་འཛིན་ཤེས་རབ་ཚད།། ཅོག་བཞག་ཉམས་སུ་མྱོང་བའི་རྟགས།། ལུས་དཀྱིལ་ཁ་དོག་ལྔ་ཡི་འོད།། རྩོལ་བ་མེད་པར་ཕྱིར་ཤར་ནས།། འདི་ལ་ཤེས་པ
iiif viewer powered by OpenSeadragon
