| e-texts navigator |
| Wylie |
254b1 པའི་ཕྱིར།། ཡེ་ནས་རང་སྣང་བྱུང་ཞེས་བྱ།། སྒྲོན་ནི་ཆོས་ཉིད་ཐམས་ཅད་ཀུན།། གཉིས་སུ་མེད་པར་སྣང་བར་བྱེད།། མས་ནི་རང་ངོ་ཁྱབ་པས་སོ།། ཆོས་ཉིད་མ་སྐྱེས་མི་འགག་པས།། མི་གནས་རང་སར་གྲོལ་བ
254b2 ནི།། མ་ཆགས་གནས་པ་མེད་པ་སྟེ།། ཡེ་ནས་བཅིང་གྲོལ་མེད་པའོ།། དབྱེ་བ་རྣམ་པ་ལྔ་ཡིན་ཏེ།། གཞི་གནས་རང་བྱུང་ཤེས་རབ་ཀྱིས།། ལུས་སོགས་ཆོས་ཀྱི་རྟེན་རྣམས་བྱེད།། སྣང་བ་ཅེར་འཛིན་ཤེས་རབ
254b3 ཀྱིས།། དབྱིངས་དང་རིག་པའི་འདུན་པ་འཛིན།། དྲན་པ་འགག་མེད་ཤེས་རབ་ཀྱིས།། ཤེས་པ་རྩེ་གཅིག་ཡུལ་རྣམས་སྡུད།། སོ་སོར་རྟོགས་པའི་ཤེས་རབ་ཀྱིས།། སྤྱི་དང་རང་གི་མཚན་ཉིད་འབྱེད།། འཇུག་བྱེད་རྣམ
254b4 གསུམ་ཤེས་རབ་ཀྱིས།། རང་བཞིན་པར་དོ་གཏན་ལ་འབེབས།། སྣང་དང་མི་སྣང་ཆོས་རྣམས་ཀུན།། རང་བཞིན་མེད་པར་སུས་ཤེས་པ།། འདི་ནི་དེ་ཡི་མཚན་ཉིད་དོ།། འཆར་བྱེད་སྒོ་ནི་དབང་པོ་ལྔ།། ཁྱད་པར
254b5 སྙིང་ནས་འཆར་བར་བྱེད།། དེ་རྟགས་མཚན་མོའི་དུས་ཉིད་དུ།། གློ་དང་སྦྲིད་པ་དྲག་པོ་དང་།། ཤིན་ཏུ་གློ་དྲགས་ལུས་པའི་ཚེ།། དམར་ལ་དངས་པའི་འོད་ཟེར་ནི།། མེ་སྟག་བཞིན་དུ་རྣམ་འཕྲོས་པས།། དེ་ཡི་ཚད
254b6 དང་རྟགས་དེ་ཡིས།། འཆར་བར་བྱེད་པའི་སྒོ་ངོས་ཟིན།། སྐྱེད་པར་བྱེད་པའི་རྩ་བཞིན་གནས།། འགྱུ་དང་འགུལ་དང་འཕྲིགས་པ་དང་།། ཡང་ཞིང་བསྐྱོད་པའི་བདག་ཉིད་དུ།། ཙིཏྟའི་དཀྱིལ་འཁོར་ཉིད་ལ
iiif viewer powered by OpenSeadragon
