| e-texts navigator |
| Wylie |
254a1 འཚལ།། དེ་ཡི་ངོ་བོ་ཇི་ལྟ་བུ།། དེ་བཞིན་ངེས་ཚིག་རྣམ་པ་གང་།། དབྱེ་བ་དུ་ཡིས་བསྟན་པ་ལགས།། འདི་ཡི་མཚན་ཉིད་ཇི་ལྟ་བུ།། སྒོ་ནི་འཆར་བྱེད་གང་ལ་སྣང་།། དེ་བཞིན་གནས་པ་གང་གིས
254a2 ལགས།། དགོངས་པའི་ཚད་རྣམས་ཇི་ལྟ་བུ།། འདི་ལ་མཐུན་དཔེ་གང་གིས་མཛད།། སྟོན་པ་ཐུགས་རྗེ་ཆེན་པོ་ལ།། འདི་ཀུན་བདག་གིས་ཉན་པར་འཚལ།། དེ་ནས་སྟོན་པས་ཡང་གསུངས་པ།། ཀྱེ་མ་རྒྱུ་ཡི་རྡོ་རྗེ
254a3 འཆང་།། ང་ཡིས་བསྟན་གྱིས་ཁྱོད་ཀྱིས་ཉོན།། འདི་ཀུན་འཁྲུལ་པ་མེད་པར་ཟུང་།། ཤེས་རབ་རང་བྱུང་སྒྲོན་མ་ནི།། འདི་ནི་སྒྲོན་མ་ཐམས་ཅད་ཀྱི།། ཤེས་བྱེད་འདི་མེད་ན་དོན་མི་རྟོགས་པས་ན་ཉིད་དུ་གནས་པས་ན།། ཀུན
254a4 གྱི་ཆ་ལ་འདི་ཉིད་པས།། འབྱེད་པའི་ཤེས་རབ་མགོའི་ནང་ན་ཡོད་པ་ལས་ཉིད་པས་ནི།། འབྱེད་པ་མེད་པའི་ཚུལ་དུ་གནས།། ཆ་ཕྲ་བསྐྱེད་པའི་ངོ་བོ་ནི།། ཡེ་ཐོག་ཉིད་ནས་གནས་པའོ།། ཤེས་པ་དངོས་དང་དངོས་མེད
254a5 པའི།། སྣང་བ་ཀུན་ལ་རབ་ཞུགས་ནས།། སྤྱི་ཡི་དོན་རྣམས་ཤེས་པ་དང་།། མ་བཙལ་བཞག་པའི་གདེང་རྙེད་དེ།། རང་གི་ཡེ་ཤེས་ཚད་རྣམས་ཤེས།། རང་བཞིན་དག་པའི་ཆོས་སྐྲ་ནི།། སུས་མ་རྙེད་པར་རང་རིག
254a6 པས།། ཀུན་ལས་ཁྱད་འཕགས་རབ་ཏུ་སྣང་།། གཞན་གྱིས་དཔྱད་པའི་གནས་མེད་པས།། རང་ཤར་ཡེ་ནས་དག་པའི་ཡུམ།། གཞན་གྱི་ཡུལ་མིན་རང་ཞེས་བྱ།། བྱས་པས་འདི་དོན་རྙེད་པ་མེད།། སུ་ལ་རེ་བ་མེད
iiif viewer powered by OpenSeadragon
