| e-texts navigator |
| Wylie |
253b1 གི་དངས་མ་ཀུན་འདུས་ནས།། དབང་པོ་ཡུལ་ལ་འཆར་བྱེད་པའི།། རྩ་ཡི་ནང་ན་མིག་གི་རྣམ་ཤེས་འདི་ཉིད་གནས།། ཐོག་མ་སེམས་ཅན་ཀུན་གྱིས་རང་གི་ལུས་བསྐྱེད་པས།། མ་ཡི་མངལ་དུ་ཞུགས་པའི་ཚེ།། ལུས་ཀུན་གྱི
253b2 ནི་ཐོག་མ་རུ།། ལྟེ་བའི་རྩ་མདུད་ཆེན་པོ་ལས།། དབུས་ཀྱི་གྲུ་གསུམ་ཉིད་དུ་ཡང་།། ཕ་མའི་རྒྱུ་རྐྱེན་དངས་མ་ལས།། མིག་གི་འབྲས་བུ་ཉིད་དུ་ཆགས།། དེ་ཡང་ཕ་མའི་ཆ་གཉིས་ལས།། དཀར་ནག་འདྲེས་པ་ཉིད
253b3 དུའོ།། འཆར་བའི་སྒོ་ནི་མིག་གཉིས་དང་།། དབང་པོ་ཡུལ་ལ་འཆར་བྱེད་ཀྱི།། རྩ་ལས་འདི་ཀུན་སྣང་བར་ཤར།། དཔེར་ན་འཛིན་བྱེད་ལྕགས་ཀྱུ་ཡིས།། གང་སྣང་སྣ་ནས་འཛིན་པ་བཞིན།། འཁོར་དང་མྱ་ངན
253b4 འདས་པ་ཡི།། སྣ་གཉིས་འདི་ཡིས་འཛིན་པར་བྱེད།། སྒྲོན་མས་སྣང་བར་བྱེད་དོན་གྱིས།། ཡུལ་གཟུགས་སྣང་སྟེ་རིག་པ་ཡང་།། ལུ་གུ་རྒྱུད་སྣང་ཚད་ཡིན་ནོ།། ཞེས་སྒྲོན་མ་འབར་བའི་རྒྱུད་ལས། རྒྱང་ཞགས་ཆུ་ཡི།
253b5 སྒྲོན་མ་སྟོན་པའི་ལེའུ་སྟེ་དང་པོའོ།། ། བྷྲ་མརྨ།། སྲ།། དེ་ནས་རྒུད་དག་སྤང་བ་རྣམ་པར་དག་རྡོ་རྗེ་འཆང་།། ཉིད་ཀྱིས་གསུངས་པ་བློར་ཆུད་ནས།། ཡང་ནི་ཚིག་གིས་འདི་སྐད་གསོལ།། ཀྱེ་ཀྱེ་བཅོམ་ལྡན་རྡོ་རྗེ
253b6 འཆང་།། སྟོན་པ་ཉིད་ཀྱིས་གསུངས་པ་ལས།། བདག་ནི་དམ་པའི་ངེས་པ་རྙེད།། ཆུ་ཡི་སྒྲོན་མ་དེ་ལྟར་ན།། ཉིད་ཀྱིས་གོང་དུ་གསུངས་པ་ཡི།། ཤེས་རབ་རང་བྱུང་སྒྲོན་མ་ཞེས།། གསུངས་པའི་དོན་དེ་བདག་ཉན
iiif viewer powered by OpenSeadragon
