| e-texts navigator |
| Wylie |
252a1 འདི་ནི་ལྟ་བའི་གཞི་འཛིན་པར།། སྐྱེད་བྱེད་ས་བོན་བཞིན་དུ་གནས།། རྒྱུ་སྣང་བ་རྣམ་པར་དག་པའི་ཡི་རྡོ་རྗེ་ཡང་འཆང་བས།། སྟོན་པ་རྡོ་རྗེ་འཆང་ཆེན་ལ།། ཚིག་ནི་འདི་སྐད་ཅེས་གསོལ་ཏོ།། ཀྱེ་ཀྱེ་སྟོན་པ
252a2 རྡོ་རྗེ་འཆང་།། རྒྱང་ཞགས་ཆུ་ཡི་སྒྲོན་མ་ཞེས།། འདི་ཡི་ངོ་བོ་ཇི་ལྟ་བུ།། འདི་ལ་ངེས་ཚིག་ཇི་སྐད་གསུང་།། དབྱེ་བ་རྣམ་པ་དུ་ཞིག་ཡོད།། མཚན་ཉིད་བཞུགས་ཚུལ་ཇི་ལྟ་བུ།། གནས་ནི་གང་ལ་གནས་པ
252a3 ལགས།། འཆར་སྒོའི་སྣང་བ་ཇི་ལྟ་བུ།། འདི་ཡི་མཐུན་དཔེ་གང་ཞིག་ལགས།། འདི་ཀུན་ཚད་རྣམས་གང་གིས་བཟུང་།། སྟོན་པས་འདི་ཀུན་བདག་ལ་གསུང་།། དེ་ནས་སྟོན་པས་ཡང་གསུངས་པ།། ཀྱེ་མ་རྒྱུ་ཡི་རྡོ་རྗེ
252a4 འཆང་།། ངས་ཡིན་ལུགས་སྣང་ལུགས་གཉིས་མེད་དུ། བསྟན་ཁྱོད་ཀྱིས་མ་འཁྲུལ་བར།། འདི་ཀུན་ཟུང་ཞིག་རྡོ་རྗེ་འཆང་།། རྒྱང་ཞགས་ཆུ་ཡི་སྒྲོན་མ་དབང་པོའི་དངས་མ་ཡི།། ངོ་བོས་སྣང་བ་གཉིས་ཀ་འཁྲུལ་པ་དང་ཡེ་ཤེས
252a5 སྡུད།། མཐོང་བྱེད་འཛིན་ཆ་ཕྱི་གསལ་ཡུལ་ཡུལ་ཅན་གཉིས་མ་འགགས་ཕྱིར།། འཁོར་འདས་གཉིས་ཀའི་ཆ་འཛིན་བལྟ་བས་ན།། འཁོར་འདས་མཐུན་ཡིན་ལུགས་སྣང་ལུགས་གཉིས་ཀར་གྲོལ།། པའི་བལྟ་བའོ།། ངེས་པའི་ཚིག་ནི་འདི
252a6 ལྟ་བུ། ཕྱི་རོལ་གྱི་རྒྱང་ནི་རིང་བའི་རྒྱུད་འཛིན་པས། མིག་གི་ཡུལ།། གཟུགས་སུ་སྣང་བ་འཛིན་པ་དང་།། ཁ་དོག་དཀར་དམར་ལ་སོགས་སྡུད་པ་དང་།། རིག་པའི་སྐུ་རྡོ་རྗེ་ལུ་གུ་རྒྱུད་ཀྱི། ཡང་རྒྱང་རིང་ནས།། མཐོང་དབང་པོས་བྱེད
iiif viewer powered by OpenSeadragon
