| e-texts navigator |
| Wylie |
251b1 ཞགས་ཆུ་ཡི་སྒྲོན་མ་ཡིས། མིག་ལ་ཟེར།། གཟུགས་སོགས་ངོ་བོ་ཉིད་དུ་ཉམས་གོང་ནས་གོང་དུ། སྡུད།། ཤེས་རབ་རང་བྱུང་སྒྲོན་མ་ཡིས། རང་རྒྱུད་ལ་འཆར།། ཐེག་པ་རྣམས་ཀྱི་ཐེ་ཚོམ་གཅོད།། ཐིག་ལེ་སྟོང་པའི་རྟགས་བྱང་ཆུབ
251b2 སེམས་ཀྱི་སྒྲོན་མ་ཡིས།། འཁོར་འདས་བསྲེ་བའི་མཚམས་སྦྱོར་བྱེད།། དག་པ་རིག་པ་འཛིན་པའི་དབྱིངས་ཀྱི་སྒྲོན་མ་ཡིས།། རྣལ་འབྱོར་ཉམས་ཀྱི་བོགས་འདོན་གོང་ནས་གོང་དུ་བྱེད།། འདི་ཀུན་ཁྱད་པར་སྣང་བའོ།། དེ
251b3 ནས་རྒྱུད་དག་རྡོ་རྗེ་འཆང་།། དགའ་མགུ་རང་པ་རབ་སྐྱེས་ནས།། སྣང་དག་རྡོ་རྗེ་འཆང་བ་ལ།། ཞུ་བའི་ཚིག་ནི་འདི་སྐད་གསོལ།། ཀྱེ་མ་སྟོན་པ་རྡོ་རྗེ་འཆང་།། སངས་རྒྱས་ཀུན་གྱི་རང་སྣང་བའི།། སྟོན་པས་སྒྲོན་མ
251b4 བཞི་གསུངས་པས།། རྒྱང་ཞགས་ཆུ་ཡི་སྒྲོན་མ་ཞེས།། སྟོན་པས་ཚིག་ཏུ་སྔར་གསུངས་པ།། འདི་ཉིད་མ་འཚལ་བདག་ལ་གསུངས།། དེ་ནས་རྡོ་རྗེ་འཆང་ཆེན་གྱིས།། ཚིག་ནི་འདི་སྐད་རབ་ཏུ་གླེང་།། ཨེ་མ་རྒྱུད་མ་རིག།
251b5 རྣམ་པར་དག་ནས་དག་རྡོ་རྗེ་འཆང་།། ངས་ནི་བྱུང་ཞགས་ལ་སོགས་པ་སྒྲོན་མ་རྣམ་བཞི་ཡི།། སྣང་བ་ཉིད་ལ་རང་ངོལ་ཕར་བལྟས་པས།། འདི་ཀུན་རིམ་གྱིས་བློ་ཡུལ་སྣང་། སྣང་བ་འདི་རིམ་གྱིས་དང་ཅིག་ཆར་མ་ཡིན།། མིག་གི་དངས
251b6 མ། རྒྱང་ཞགས་ཆུ་ཡི་སྒྲོན་མས་ནི། འཁྲུལ་པ་དང་བལྟ་བ་དང་བར་དོའོ།། གསུམ་གྱི་སྣང་བ་འཛིན་པར་བྱེད།། དེས་ནི་གསུམ་གྱི་སྣང་བཟུང་བས།། ལྟ་བ་དབྱིངས་ཀུན་གྱི་སྙིང་པོར་དབྱིངས་ཡང་།། དེ་ཀུན་འདི་ཡི་བལྟ་བས་ན།།
iiif viewer powered by OpenSeadragon
