| e-texts navigator |
| Wylie |
251a1 ནས། བསྟན་པ་སྙིང་པོ་བླ་མེད་ཆེན་པོའི་གསང་བ་ཐུན་མོང་ལས་འདས་པ་འདི། གཉིས་སུ་མེད་པའི་སྟོན་པའི་ཡེ་ཤེས་ཀྱི་ཀློང་དུ་དྲིལ་བའི་ཐུགས་ནས་ཡངས་པའི་མགུར་གྱི་བུམ་པར་དྲིལ་ཏེ། ཐབས་ཐུན
251a2 མོང་མ་ཡིན་པའི་ཤེས་རབ་ཀྱི། ལྗགས་ཀྱིས་དབང་པོ་ལ་བཀྲམ་ནས། རྡོ་རྗེ་སྒྲོན་མ་སྣང་བར་བྱེད་པའི་ཚིག་གསུམ་དུ་འདི་དག་བཀའ་སྩལ་ཏོ།། རང་བཞིན་རྒྱུད་དག་རྡོ་རྗེ་འཆང་། འཁོར་ལ་བོས་ནས།། ངས་ནི་འགག་མེད
251a3 དྲན་པ་ལ།། སྤྱོད་པའི་ཡིད་ནི་ཀུན་ཏུ་ཤར།། སྣང་བ་མེད་པའི་ཕྱོགས་ནས་ནི།། ཡིད་བསམ་དྲན་པ་བཅད་པའི་ཕྱིར།། ཐེག་པ་རྣམས་ཀྱི་རྩེ་མོ་པ། ཨ་ཏི།། ང་ཡིས་སྤྲོས་ཀྱིས་ཁྱོད་ཀྱིས་ཉོན།། འཇིག་རྟེན་ཁམས
251a4 ནི་ཐམས་ཅད་དུ།། རིག་པ་འགག་མེད་རང་སྣང་ཀྱང་།། འདི་ཀུན་སུས་ཀྱང་མཐོང་བ་མེད།། མཐོང་མེད་ཡེ་ཤེས་ཆེན་པོ་ནི།། གང་གིས་མེ་ཏོག་མཛེས་པ་མཐོང་། ཆོས་སྐུ་དང་རིག་པ།། མ་མཐོང་བ་མཐོང་བ་ཡི་ཡེ་ཤེས
251a5 ལ།། སྒྲོན་མ་ཉིད་ཀྱི་ཡེ་ཤེས་སུ།། ཐོག་མ་ཉིད་ནི་རང་སྣང་བས།། རྡོ་རྗེ་སྙིང་པོ་ཉིད་དུ་ཤར།། ཤར་ཙམ་ཉིད་ནས་ནུབ་པ་མེད།། ནུབ་མེད་ཡེ་ཤེས་གཏེར་ཆེན་འདི།། སུ་ཡིས་སྤྱོད་པ་སྐལ་བ་བཟང་།། སྐལ་བཟང
251a6 བདེ་བའི་ངང་ཚུལ་ཅན།། འདི་ལ་མི་དགེ་རྡུལ་ཙམ་མེད།། རྡུལ་དང་བྲལ་བའི་རང་རིག་ཉིད།། འདི་ལ་ཐ་སྙད་ཚིག་དང་བྲལ།། འདི་ཀུན་སྒྲོན་མ་རྣམ་བཞི་ཡི།། སེམས་ཅན་ཀུན་གྱི་ལུས་ལ་སྣང་བ་འཛིན།། རྒྱང
iiif viewer powered by OpenSeadragon
