| e-texts navigator |
| Wylie |
249b1 ཏན་འཆར་ཚུལ་འགག་པ་མེད།། འདི་ལ་གནས་པའི་ས་མེད་པས།། བརྟེན་པར་བྱ་བའི་ཆོས་རྣམས་ཟད།། འདི་ལ་དམིགས་པའི་རྒྱུ་མེད་པས།། བཟུང་བའི་ཆོས་རྣམས་ཡེ་ནས་སྟོང་།། འཛིན་པའང་ནི་རང་སར
249b2 སྟོང་།། འདི་ལ་སྟོང་ཞེས་གདགས་སུ་མེད།། དེ་བཞིན་གསལ་བའི་སྣང་བ་ཅི།། གང་དུ་ཡོད་པར་མ་མྱོང་སྟེ།། དེ་བཞིན་མེད་ཀྱང་མ་མྱོང་བས།། ཡོད་མེད་མཐའ་ཡི་དྲི་མ་མེད།། དྲི་མེད་དག་པའི་སྐུར་སྣང་ངོ་།། ཞེས
249b3 ཀུན་ཏུ་བཟང་པོ་ཀློང་དྲུག་པའི་རྒྱུད་གསང་བ་ཆེན་པོ་ལས། ཉམས་སུ་བླང་བའི་ཏིང་ངེ་འཛིན་གྱི་ཀློང་བསྟན་པ་སྟེ། དྲུག་པ་རྫོགས་སོ།། དམྱལ་བའི་སྐྱེ་གནས་དག་པར་བྱེད་པའི་སྐབས་སྟེ་དྲུག་པའོ།། །། དེ
249b4 ནས་སྟོན་པ་ཀུན་བཟང་གིས།། ཚིག་གི་མཐའ་སྡུད་འདི་སྐད་གསུངས།། ཨེ་མ་ངོ་མཚང་རྨད་དུ་བྱུང་།། ལྷ་རྣམས་འབྲོས་ཁུངས་བཅད་པའི་ཕྱིར།། ང་ནི་ལྷ་ཡི་དབང་པོའོ།། མི་རྣམས་འབྲོས་ཁུངས་བཅད་པའི
249b5 ཕྱིར།། ང་ནི་མི་ཡི་ཐུབ་པའོ།། ལྷ་མིན་འབྲོས་ཁུངས་བཅད་པའི་ཕྱིར།། ང་ནི་ལྷ་མིན་ཀུན་གྱི་གཙོ།། བྱོལ་སོང་འབྲོལ་ཁུངས་བཅད་པའི་ཕྱིར།། ང་ནི་བྱོལ་སོང་རྣམས་ཀྱི་སྒྲོན།། ཡི་དྭགས་བྲོས་ཁུངས་བཅད་པའི
249b6 ཕྱིར།། ང་ནི་ཡི་དྭགས་ཀུན་གྱི་གཏེར།། དམྱལ་བའི་འབྲོས་ཁུངས་བཅད་པའི་ཕྱིར།། ང་ནི་དམྱལ་བའི་རྒྱལ་པོར་སྣང་།། དེ་ལྡང་སྟོན་པ་ཀུན་བཟང་གིས།། རིགས་དྲུག་བྲོས་པའི་ཁུངས་བཅད་པས།། འཁོར་གྱི་བྱང
iiif viewer powered by OpenSeadragon
