| e-texts navigator |
| Wylie |
249a1 མཐའ་རྣམས་དང་།། བྲལ་བ་ལ་ནི་ཉེ་བ་ཡིན།། གཞི་ལ་གོམས་པའི་རྣལ་འབྱོར་པས།། རང་གི་གནས་ཀྱང་སྟོངས་པར་འགྱུར།། ལམ་ལ་གོམས་པའི་རྣལ་འབྱོར་པས།། འབྱུང་བ་རགས་པའི་དྲི་མ
249a2 ཟད།། འབྲས་བུ་ལ་ནི་སུས་གོམས་པ།། མི་ལྡོག་ས་ལ་འདི་ཡིས་ཕྱིན།། ཀྱེ་མ་སེམས་དཔའ་ཆེན་པོ་ཉོན།། དེ་ལྟར་ང་ཡི་ཏིང་འཛིན་ནི།། འདི་ལ་གོམས་པ་སྐལ་བ་ལྡན།། སྣང་བ་གསུམ་ལས་རྙེད་པ་ཐོབ།། ཏིང་ངེ
249a3 འཛིན་འདི་སུས་གཟུང་བ།། སྐུ་གསུམ་ལ་ཡང་མངོན་པར་གནས།། འདི་ཉིད་སུ་ཡིས་བསླབ་པ་ལ།། སྡེ་སྣོད་ཆོས་རྣམས་བློ་ལ་སྣང་།། འདི་གསུམ་གང་གིས་གོམས་པའི་མི།། འཁྲུལ་པའི་ཞེན་ཡུལ་རྩད་ནས
249a4 ཆོད།། འདི་ཉིད་ཉམས་མྱོང་ཤར་བའི་མི།། མ་བཙལ་བཞག་པའི་བསམ་གཏན་ཐོབ།། ཀྱེ་མ་བྱང་ཆུབ་སེམས་དཔའ་ཉོན།། ད་ནི་ཏིང་འཛིན་རྣམ་གསུམ་གྱི།། ཚད་ལ་གོམས་པའི་རྣལ་འབྱོར་པས།། ལྡོག་པ་མེད
249a5 པའི་ལམ་ཞུགས་ནས།། སྟོང་གསལ་ཆེན་པོའི་གནས་སུ་ཕྱིན།། ལུ་གུ་རྒྱུད་ཀྱི་ལུས་བླངས་ཏེ།། དྲན་བསམ་ཟད་པའི་རྩེར་ཕྱིན་ནས།། སྔར་མ་མཐོང་བའི་ཡུལ་མཐོང་ནས།། གསལ་བྱེད་དབྱིངས་ཀྱི་གོ་རར
249a6 ཚུད།། ཆུད་པས་སྐུ་གསུམ་རང་ལུས་ཟད།། དེ་ལྟར་ལུས་ཀྱི་མཐའ་ཟད་ནས།། ཉམས་སུ་སྐྱེ་བ་ཉིད་ཀྱང་མེད།། འདི་ལ་ཅི་ཡང་ཡོད་པ་མིན།། བརྗོད་པར་བྱ་བའི་ཚིག་ཀྱང་མེད།། མེད་པ་ཡང་ནི་མ་ཡིན་ཏེ།། ཡོན
iiif viewer powered by OpenSeadragon
