| e-texts navigator |
| Wylie |
248b1 ཏིང་འཛིན་ནི།། དབང་པོའི་སྒོ་རྣམས་མི་དགག་ཅིང་།། ལུས་ཀྱི་སྤྱོད་པ་སྤྱད་མི་བྱ།། གཉིད་ཀྱང་སྤང་བར་མི་བྱ་སྟེ།། སེམས་ཀྱིས་གུད་དུ་བཅད་པ་མིན།། མདོར་ན་ལུས་ངག་རང་སོ་ལ།། ཡིད་འབྱུང་ཆ་རྣམས་ཕྱིར
248b2 མ་ཤོར།། དབང་པོའི་ཡུལ་རྣམས་དྲུག་ལ་ཡང་།། ཤེས་བཞིན་དཔྱོད་པའི་ཡིད་མ་འགྱུས།། རང་སྣང་མི་རྟོག་ཆེན་པོ་ལ།། གསལ་ལ་རྟོག་མེད་ཉམས་སྐྱེའོ།། ཐོག་བབ་ཆེན་པོའི་ཏིང་འཛིན་ལ།། ལུས་ནི་ཐ་མལ་ལྟ་བུ
248b3 ལ།། ངག་གི་སྒྲ་བརྗོད་ཚིག་རྣམས་བྲལ།། སེམས་ནི་དམ་དུ་མ་བཅིངས་པའོ།། སྣང་བ་རྒྱས་འདེབས་ཏིང་འཛིན་ནི།། ལུས་དང་ཡུལ་དང་རིག་པ་ཡིས།། རང་སྣང་དག་པའི་ཚད་རྣམས་བཟུང་།། དེ་ལྟར་རང་སྣང་ཚད
248b4 ཟིན་ན།། འགྲོ་དྲུག་འཁྲུལ་པའི་སྣང་བ་འགགས།། འདི་ཉིད་འགགས་པའི་དུས་ཀྱི་ཚེ།། རིག་པ་སྲང་ལ་ཐེབས་པ་ཡིན།། དེ་ལྟར་སྲང་ལ་ནམ་ཐེབ་ན།། རང་གི་ལུས་ཀྱང་མི་སྣང་སྟེ།། འབྱུང་བས་བསྐྱེད་པའི་ཤ་ཁྲག
248b5 ལུས།། འབྱུང་བ་རང་སར་དག་པའི་ཕྱིར།། འདི་ནི་ཡུལ་དུ་སྣང་བ་མེད།། འཁྲུལ་པས་བཟུང་བའི་ཡིད་ཀྱི་ལུས།། འགྱུ་བ་རང་སར་སངས་པའི་ཕྱིར།། འདི་ཡང་མི་སྣང་རང་སར་ཡལ།། རིག་པས་བཟུང་བའི་འོད་ཀྱི
248b6 ལུས།། ཆུ་ཟླའི་དཀྱིལ་འཁོར་བཞིན་དུའོ།། འདི་ཚེ་ཆོས་ཉིད་ཟད་དང་ཉེ།། འདི་ལ་གང་གོམས་སངས་རྒྱས་ཞིང་།། དེ་ནས་ལུས་གསུམ་མཐའ་ཟད་ནས།། བྱ་བྲལ་རྫོགས་པའི་ལུས་ཐོབ་སྟེ།། ཚེ་འདིའི་ལུས་ཀྱི
iiif viewer powered by OpenSeadragon
