| e-texts navigator |
| Wylie |
248a1 དུས་རང་རིག་གནས་ཁང་དུ།། དུས་བཞི་མཉམ་པའི་ཚད་བཟུང་ཕྱིར།། གྲོད་ལ་དབང་པོ་གནས་སུ་སྡུད་པར་དྲན་པའི་སྒོ་བཅད།། དབང་པོའི་སྒོ་རྣམས་རབ་བསྡུས་ནས།། ཐིག་ལེ་སྟོང་པའི་སྒྲོན་མ་ལ།། རྣལ་འབྱོར
248a2 ལྡན་པས་སེམས་བཞག་པས།། ཐིག་ལེ་ཉིད་ནི་འཕེལ་བ་ན།། ཤེས་པ་ཉིད་ཀྱང་འཕེལ་བར་བཏང་།། དེ་བཞིན་ཐིག་ལེ་ཕྲ་འགྱུར་ཚེ།། ཐིག་ལེ་ཛེ་ཕྲ་ཇེ་ཕྲ་ལ།། ཤེས་པ་ཇེ་ཕྲ་ཇེ་ཕྲར་བཞག། གཉིད་དང་རྨི་ལམ
248a3 གནད་ཀྱིས་ནི།། ལྔར་ཞེན་བག་ཆགས་རྩད་ནས་དབྱུང་།། འདི་ལྟར་མཚན་མོའི་དུས་རྣམས་སུ།། རྣལ་འབྱོར་སྐལ་དང་ལྡན་པས་སྤྱོད།། འདས་ནི་སྣང་བ་རང་རྒྱུས་ཐེབས།། ཀྱེ་མ་བྱང་ཆུབ་སེམས་དཔའ་ཉོན།།
248a4 ཡི་ཏིང་འཛིན་ཚད་རྣམས་ནི།། སུས་ཀྱང་བཟུང་བར་མི་ནུས་ཏེ།། འོན་ཀྱང་ཚིག་གིས་འདི་ལྟར་སྤྲད།། རང་གནས་ཅོག་བཞག་ཏིང་འཛིན་ཚད།། འབྱུང་བའི་དགྲས་མི་གནོད་པས་བཟུང་།། དེ་བཞིན་ཐོག་བབ་ཏིང
248a5 འཛིན་ཚད།། འདོད་ཆགས་ལ་སོགས་ཉོན་མོངས་རྣམས།། རང་གི་རྒྱུད་ལ་གཏན་མི་སྐྱེ།། མི་དགེའི་བསམ་པ་སྐྱེ་མི་སྲིད།། འདིས་ནི་དེ་ཡི་ཚད་རྣམས་བཟུང་།། རྒྱས་འདེབས་ཆེན་པོའི་ཏིང་འཛིན་ཚད།། རགས་པའི
248a6 སྣང་བ་འགགས་པས་བཟུང་།། ཀྱེ་མ་བྱང་ཆུབ་སེམས་དཔའ་ཉོན།། ངས་བསྟན་ཁྱོད་ཀྱིས་ལེགས་པར་ཟུང་།། མ་འོངས་པ་ཡི་སེམས་ཅན་གྱིས།། ཏིང་འཛིན་གསུམ་ལ་འདི་ལྟར་བསླབ།། རང་གནས་ཅོག་བཞག།
iiif viewer powered by OpenSeadragon
