| e-texts navigator |
| Wylie |
247b1 འདིས་ཐོབ་པོ།། ཀྱེ་མ་བྱང་ཆུབ་སེམས་དཔའ་ཉོན།། ཐོག་བབ་ཆེན་པོའི་ཏིང་འཛིན་ནི།། གང་གིས་འདི་ལ་གོམས་སྤྱོད་ན།། སྣང་བ་ཀུན་ལ་དབང་བསྐུར་ཐོབ།། དེ་ཡི་རིམ་པའི་རྩལ་རྣམས་ནི།། རྣམ་པར་བསྒོམ་པ
247b2 གང་འདོད་པ།། འདི་ཀུན་བློ་ཡི་ཡུལ་དུ་བྱ།། ཡུལ་རྐྱེན་རྟོག་པར་རང་ཤར་ཚེ།། འདི་ཀུན་རང་བཞིན་མེད་ཤེས་ན།། སྣང་བ་ཐམས་ཅད་སྒྱུ་མའམ།། རྨི་ལམ་དང་ནི་གཟུགས་བརྙན་ལྟར།། མི་རྟོག་གཟུགས་སྣང་ཆེན
247b3 པོའི་ཉམས།། སུ་ཡི་རྒྱུད་ལ་ཤར་བ་དེ།། སྣང་བ་རྣམས་ནི་ཐོག་བབས་སུ།། སྣང་རྐྱེན་རྒྱུད་ལ་མི་འཆར་བར།། ཕྱིར་མི་ལྡོག་པའི་ཏིང་འཛིན་ཐོབ།། ཀྱེ་མ་རང་གི་འོད་ཟེར་གྱིས།། འཁོར་བ་འཇིག་པའི་བྱང་ཆུབ
247b4 སེམས།། རྒྱས་འདེབས་ཆེན་པོའི་ཏིང་འཛིན་ནི།། སུ་ཞིག་བསྒོམ་པར་འདོད་པའི་མིས།། མི་འགྱུར་བ་ཡི་གནད་གཟིར་ཕྱིར།། ལུས་ཀྱི་འདུག་སྟངས་གཟིར་བྱས་ནས།། ཤེས་པ་ནམ་མཁའི་མཐོངས་སུ་འཕངས།། དེ
247b5 བཞིན་མིག་གིས་བར་སྣང་ལ།། གླང་པོ་ཆེ་ཡི་ལྟ་སྟངས་ཀྱིས།། དྲན་མེད་རྒྱས་འདེབས་ཆེན་པོར་བཞག། དེ་ལྟར་རིག་པ་ནམ་མཁར་གཏད།། འདི་དང་འབྲལ་བ་མེད་པར་ནི།། རྣལ་འབྱོར་རྒྱུན་དུ་གང་བསྒོམ
247b6 པ།། ཉིན་དུས་སྣང་བ་ནམ་ཕྱེད་ཤེས་བྱ་བུམ་པར་བཅུག་པས་ཤེས་པ་རང་ཐོག་ནས་གནས་པ།། ཟོ་རེངས་ཡེ་ཤེས་རང་གསལ་བས་བྱུང་ཚོར་རྣམས་རང་སར་དག། ཉིན་པར་སྣང་བ་རྒྱས་གདབ་པས་མཚན་མ་རྣམས་ཟིལ་གྱིས་མནན་པའོ།། རྒྱས་འདེ་བས་སོ།། མཚན
iiif viewer powered by OpenSeadragon
