| e-texts navigator |
| Wylie |
247a1 པ་ཐོབ།། དེ་ནས་རིག་པ་ནམ་མཁའ་ལ།། ཅོག་བཞག་ཆེན་པོའི་ལྟ་སྟངས་ཀྱིས།། ཡེངས་པ་མེད་པར་མཉམ་གཞག་པས།། ཡང་ནི་ཆོས་སྐུའི་ཏིང་འཛིན་སྣང་།། དེ་དུས་ཤེས་པ་གཏིང་ནས
247a2 གསལ།། ལུ་གུ་རྒྱུད་ལ་མངོན་དུ་སྤྱོད།། སྣང་བ་འཕེལ་བའི་ཚད་ཡིན་ཏེ།། ཤེས་པ་རྣོ་ལ་མྱུར་བ་ཡིས།། སྔར་མ་མཐོང་བའི་སངས་རྒྱས་མཐོང་།། འདི་ཡིས་དེ་ཡི་མིང་རྣམས་ནི།། བརྒྱ་སྟོང་བྱེ་བ་བློ་ལ་སྣང་།། ལུས
247a3 ཀྱིས་སྔར་མ་བྱས་པ་ཡི།། ཤེས་པ་མེད་པའི་བཟོ་རྣམས་དང་།། སྒྱུ་རྩལ་རྣམས་དང་ཡི་གེ་དང་།། སྐད་དང་བརྡའ་དང་རྟེན་འབྲེལ་ནི།། ཅི་ལྟར་སྔར་མ་མཐོང་བ་ཡི།། འདི་ཀུན་ཉམས་སུ་མྱོང་བ་དང་།། ས་དང་ཆུ་དང
247a4 མེ་རླུང་གིས།། སྒྲ་ཡང་འདི་ཡིས་བདེ་བར་ཐོས།། མདོར་ན་མངོན་ཤེས་དྲུག་རྣམས་ཀྱང་།། སྐལ་དང་ལྡན་པ་འདིས་ཐོབ་སྟེ།། རང་དང་ཕ་རོལ་དོན་རྣམས་ནི།། སྐྱེས་བུ་འདི་ཡིས་བྱེད་པར་འགྱུར།། ཀྱེ་མ་བྱང་ཆུབ
247a5 སེམས་དཔའ་ཆེ།། སྐུ་གསུམ་རང་བྱུང་དགོངས་པ་ནི།། མདོར་ན་འདི་ལྟར་ཉམས་ཚད་རྙེད།། སྤྲུལ་པ་སྐུ་ཡི་རྣལ་འབྱོར་སྤྱོད།། སྔར་རྙེད་སྙིང་རྗེ་ཆེན་པོ་ནི།། རང་གི་རྒྱུད་ལ་མཆོག་ཏུ་སྐྱེ།། འདི་དུས་སྦྲུལ་སྐུའི་ཏིང
247a6 འཛིན་ཐོབ།། གསལ་ལ་མི་རྟོག་ཤེས་པའི་ཉམས།། ལོངས་སྐུའི་ཏིང་ངེ་འཛིན་ཞེས་བྱ།། ཟག་མེད་ཐིག་ལེ་སྟོང་པའི་སྐུ།། རྩོལ་བ་མེད་པར་རང་ཤར་ཚེ།། ཆོས་སྐུའི་ཏིང་ངེ་འཛིན་ཞེས་བྱ།། རྣལ་འབྱོར་ལྡན་པ
iiif viewer powered by OpenSeadragon
