| e-texts navigator |
| Wylie |
245a1 བྱ་ངང་པའི་སྒོ་ངའི་ཁ་དོག་ལྟ་བུ་དང་། རིན་པོ་ཆེ་མ་རྒད་ལྟ་བུ་དང་། རིན་པོ་ཆེ་མཐོན་མཐིང་ལྟ་བུའི་ཁ་དོག་དང་། རཀྟ་དམར་པོ་ལྟ་བུའི་ཁ་དོག་དང་། བུང་བའི་རྒྱབ་ལྟ་བུའི་ཁ་དོག་དང་། བསེ་སློང
245a2 རྙིང་པ་ལྟ་བུའི་ཁ་དོག་དང་། རྨ་བྱའི་མདོངས་ལྟ་བུའི་ཁ་དོག་དང་། ཕུག་རོན་མ་ངེས་པར་གྱི་སྐེ་ལྟ་བུའི་ཁ་དོག་དང་། རི་སྐེགས་ཀྱི་གཤོག་པ་ལྟ་བུའི་ཁ་དོག་དང་། སེང་གེའི་དཔྲལ་བ་ལྟ་བུའི་དཀར་བའི་མདངས་ཁ་དོག
245a3 དང་། མཁའ་འགྲོ་མིག་ལྟ་བུའི་ལྔའི་ཁ་དོག་དང་། བརྒྱ་བྱིན་གྱི་ཤིན་ཏུ་དམར་བའི་འོད་ལག་པ་ལྟ་བུའི་ཁ་དོག་དང་། གསེར་གྱི་གཡའ་ལྟ་བུའི་ཁ་དོག་དང་། དུག་གི་རླངས་པ་དམར་སེར་ནག་པོ་ལྟ་བུའི་ཁ་དོག་དང་། འབྲིང་བྱའི
245a4 གཤོག་པ་ལྟ་བུའི་གཅིག་ཏུ་མི་སྣང་བའི་དཔེ་འཇོག་གི། ཁ་དོག་ལ་སོགས་པ་རྣམས་སྤྲོས་སོ།། དེ་ལྟར་འོད་དང་ཁ་དོག་དེ་དག་རྣམས་རྣམ་པར་སྤྲོས་པས་སངས་རྒྱས་ཀྱི་ཞིང་ཁམས་རྣམས་རབ་ཏུ་སྣང་བར་བྱས་ཏེ། རྒྱན་ཡེ་ཤེས
245a5 དང་ཁ་དོག་འོད་དང་བཞུགས་ཚུལ་སྐུ་དང་། སྐུའི་ངོ་བོ་ཐམས་ཅད་རང་གསལ་ཞིང་རང་དག་ཆེན་པོའི་བསམ་གཏན་དུ་བརྟན་པ་ཐོབ་སྟེ།། སངས་རྒྱས་རྣམས་ཀྱི་རང་རང་གི་ཚོམ་བུ་དང་བཅས་པའི་ཞལ་རྣམས་དུས
245a6 གཅིག་ལ་མཐོང་ངོ་།། དེ་ནས་འཁོར་དེ་དག་གི་ནང་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རང་གི་འོད་ཟེར་གྱིས་འཁོར་བ་ཐམས་ཅད་འཇིགས་པར་བྱེད་པ་ཞེས་བྱ་བ་སྟན་ལས་ལངས་ཏེ། བླ་གོས་གཟར
iiif viewer powered by OpenSeadragon
