| e-texts navigator |
| Wylie |
240b1 ཆེན་པོའི་སྙིང་པོས་དངོས་རྣམས་ཟད་པར་བྱེད།། རང་གསལ་ཆེན་པོའི་སྙིང་པོས་མུན་པའི་སྨག་རུམ་བཟློག་པར་བྱེད།། ཡེ་རྫོགས་ཆེན་པོའི་སྙིང་པོས་མཐོ་དམན་ཐམས་ཅད་སྙོམས།། རྟོག་མེད་ཡང་གསལ་སྙིང
240b2 པོས་འཁོར་བ་གཏིང་ནས་ཟློག་པར་བྱེད།། གསང་བ་ཡང་ཏིག་སྙིང་པོས་སེམས་ཅན་གནས་རྣམས་སྟོངས་པར་བྱེད།། དབྱིངས་རིག་ཡོངས་རྫོགས་སྙིང་པོས་སྣང་བ་མངོན་དུ་ལྟ་བར་བྱེད།། ལུ་གུ་རྒྱུད་ནི་རྟེན་མེད
240b3 མཁའ་ལ་སྣང་བས་ཆོས་ཀུན་ཚད་ལ་ཕེབས།། སྙིང་པོ་ངེས་པའི་བཀའ་གསང་འདི་ལྟ་ཉག་གཅིག་རྩོལ་བསྒྲུབ་ཀུན་བྲལ་བའོ།། གླང་པོ་འོད་ཟེར་རབ་ཏུ་སྣང་བྱེད་བྱང་ཆུབ་སེམས་དཔའ་ཉོན།། སངས་རྒྱས་རྣམས་ཀྱི
240b4 ལམ་ནི་ལྔ་ལྔ་ཟུང་དང་ལྡན་པ་ཐམས་ཅད་ལ་ཡང་སྣང་།། ལམ་སྣང་ཡེ་ཤེས་ཅོག་གཞག་རྣལ་འབྱོར་རྩོལ་བསྒྲུབ་ཀུན་བྲལ་བ།། སངས་རྒྱས་རྣམས་ཀྱིས་ཉག་གཅིག་གཏིང་ཟབ་རྒྱ་ཆེ་ལམ་སྣང་བས།། སྤྲོས་བཅས
240b5 སྡུག་བསྔལ་རྣམས་དང་ཡེ་ནས་བྲལ་བའི་ལམ་དུ་སུ་འཇུག་པ།། འདི་ནི་འཇིག་རྟེན་ཡོངས་ཀྱི་སྤྱོད་པ་སྤངས་ཏེ་བདེ་བའི་ལམ་དང་ཉེ།། སངས་རྒྱས་ཀུན་གྱི་གསང་ཆེན་ལམ་འདི་སུས་ཤེས་པ།། དྲི་མ་ཟད་ཅིང་ཚད
240b6 མེད་གཞལ་དང་བྲལ་བའི་ལམ་གྱི་སྙིང་པོ་ནི།། ཡེ་ལྔ་མི་འགྱུར་བ་ཐོག་མའི་གཞི། ཡེ་ནས་ཡང་དག་པར་སྣང་བ། ཡེ་ནས་རང་བཀོད་སྟོང་པར། ཡེ་ནས་རང་གནས་གསལ་བ། རང་ཆས་རིག་པ་རང་རིག་པ། ཤེས་པ་ལྔ་སྣང་བ་སྟོང་པར་ཤེས། སྟོང་པ་ཆོས་སྐུར
iiif viewer powered by OpenSeadragon
