| e-texts navigator |
| Wylie |
240a1 གཞི།། དགོངས་དོན་སྙིང་པོ་རྣམས་ཀྱི་བཅུད་དུ་འདི་འགྲོ་བས།། ཕྱིར་ཕྱིར་དཀོན་པའི་དོན་འདི་སྒྲ་བསམ་བརྗོད་པ་མེད་པའོ།། སྒོམ་པ་ཀུན་གྱི་སྙིང་པོ་ལུས་ཀྱི་འདུག་སྟངས་གནད་གཙུད་པས།། ཞི
240a2 བར་གནས་དང་ལྷ་མཐོང་ཡི་ཟུང་འབྲེལ།། འདི་ཉིད་མཉམ་པ་ཆེན་པོའི་དོན་བསྒོམ་རྣལ་འབྱོར་པ།། མི་ཡི་ནང་དུ་གནས་པ་འཇིག་རྟེན་ཀུན་གྱི་གཙོ་བོ་སྟེ།། ཡང་དག་མཆོག་ཏུ་གྱུར་བ་ལྷ་མིའི་བཀུར་བསྟིའི
240a3 གནས།། མཉམ་གཞག་ཡུལ་སེམས་རིག་པའི་གནད་གསུམ་ཟིན་པས་བདེ་བ་རང་ཆེ་སྟེ།། བདེ་བ་ཉིད་ལས་མི་རྟོག་ཡེ་ཤེས་ཉམས་ཤར་བ།། སྣང་བ་ཀུན་ཀྱང་བདེ་བའི་ཀློང་དུ་རྣམ་པར་རོལ་པའོ།། དེ་ཕྱིར་ལས་ཀྱི
240a4 བདེ་བས་སྐུ་གསུམ་གནད་ནས་ཟིན་ཏེ་བདེ།། ངག་གི་བདེ་བས་ཆོས་ཀུན་བརྗོད་མེད་རྟོགས་ཏེ་བདེ།། སེམས་ཀྱི་བདེ་བས་འཁོར་འདས་གཉིས་མེད་འདྲེས་པས་བདེ།། བདེ་བའི་སྙིང་པོ་འདི་ནི་སངས་རྒྱས་ཀུན་གྱི
240a5 ཡང་སྙིང་ངོ་།། བཅོས་པ་མེད་པའི་སྙིང་པོས་ཐམས་ཅད་རྣལ་དུ་ཕེབས།། འགག་པ་མེད་པའི་སྙིང་པོས་རང་སྣང་ཟད་ཀར་གཅོད་པར་བྱེད།། སྐྱེ་བ་མེད་པའི་སྙིང་པོས་འཁོར་བ་དོང་ནས་འདོན་པར་བྱེད།། རང
240a6 བཞིན་གནས་པའི་སྙིང་པོ་ཐོག་མཐའི་རུ་ཤན་འབྱེད་པར་བྱེད།། ཁྱབ་གདལ་ཆེན་པོའི་སྙིང་པོས་ཆོས་ཀྱི་དབྱིངས་རྣམས་སྡུད་པར་བྱེད།། ཡེ་དག་ཆེན་པོའི་སྙིང་པོས་ཆོས་ཀུན་ཆམ་ལ་འབེབས་པར་བྱེད།། སྟོང་པ
iiif viewer powered by OpenSeadragon
