| e-texts navigator |
| Wylie |
239a1 དག་དང་། དགོངས་པ་ལ་ཡེ་གནས་དང་། འཁོར་འདས་དུས་གཅིག་ལ་ཡེ་རྫོགས་དང་། རྩོལ་བསླབ་མེད་པར་ཡེ་བྱུང་དང་། སྣང་བ་རྣམས་ཡེ་བཀོད་ཆེན་པོར་རང་གྲོལ་ནས།། རང་ལ་རང་ངོ་ངོ་བོ་མཐོང་བས་མཚར
239a2 ནས། རང་ལ་རང་གཞིའི་ཁྱད་ཡིད་ཆེས། རིག་པ་རྟོགས་པས་མི་ལྡོག་པས་རང་ལ་རང་སྟོབས་སྐྱེས་ནས། དེ་དག་ཐམས་ཅད་ཀྱིས་སྟོན་པ་ཀུན་ཏུ་བཟང་པོ་ལ་མགྲིན་གཅིག་ཏུ་ཐལ་མོ་སྦྱར་ནས་འདི་སྐད་ཞུས་སོ།། ཀྱེ་སྟོན
239a3 པ་ཀུན་ཏུ་བཟང་པོ་འདི་ལྟར་སྟོན་པས་སེམས་ཅན་ཐམས་ཅད་ལ་བྱིན་བརླབས་མཛད་ཅིང་། མྱ་ངན་ལས་འདས་པའི་དབྱིངས་ལ་བཀོད་པ་ཤིན་ཏུ་ངོ་མཚར་ལགས་སོ།། བདག་ཅག་ནི་མི་སྐྱེ་བའི་ཆོས་ཉིད་ལ་རང
239a4 བཞིན་གྱིས་བཟོད་པ་ཐོབ་ནས། སངས་རྒྱས་ཐམས་ཅད་དང་སྐལ་བ་མཉམ་པར་གྱུར་པས་མཆོག་ཏུ་དགའ་མགུ་ཡི་རང་ངོ་།། ཞེས་གསོལ་ནས་ཐུགས་ཀྱི་དགོངས་པ་དབྱེར་མི་ཕྱེད་པར་གྱུར་ཏོ།། དེ་ནས་འཁོར་དེ
239a5 དག་རྣམས་ཀྱི་ནང་ནས་བྱང་ཆུབ་སེམས་དཔའ་སེམས་དཔའ་ཆེན་པོ་གླང་པོ་ཆེའི་འོད་ཟེར་རབ་ཏུ་སྣང་བྱེད་ཅེས་བྱ་བས་ལངས་ཏེ། བླ་གོས་གྱོན་ནས་སྟོན་པ་ལ་འདི་སྐད་ཅེས་གསོལ།། ཀྱེ་སྟོན་པ་ཀུན་ཏུ་བཟང་པོ
239a6 སངས་རྒྱས་ཀུན་གྱི་སྙིང་པོ་ཇི་ལྟ་བུ་ལགས། སངས་རྒྱས་ཀྱི་ལམ་གང་ཡིན། འབྲས་བུ་ཞེས་པ་གང་ལ་བགྱི་བ་ལགས། འདི་ཀུན་མ་འཚལ་བས་བསྟན་དུ་གསོལ། ཞེས་ཞུ་བ་ཉིད་རབ་ཏུ་ཞུས་སོ།། དེ་ནས་སྟོན་པ
iiif viewer powered by OpenSeadragon
